ବନ୍ଧାହେଲେ କୋଟିପତି ଶିକ୍ଷକ
ବ୍ରହ୍ମପୁର, (ବଡ଼ ଖବର ବ୍ୟୁରୋ): ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ଗିରଫ ହୋଇଛନ୍ତି ହିନ୍ଦୀ ଶିକ୍ଷକ । ଗଞ୍ଜାମ ଜିଲ୍ଲା ରଙ୍ଗେଇଲୁଣ୍ଡା ବ୍ଲକ ଝାଡ଼ାଙ୍କୁଲି ଗାଁ ଯଶୋଦା ହାଇସ୍କୁଲର ହିନ୍ଦୀ ଶିକ୍ଷକ ଭୂବନାନନ୍ଦ ସାହୁଙ୍କୁ ଗିରଫ କରିଛି ଭିଜିଲାନ୍ସ । ଗତକାଲି ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବ୍ରହ୍ମପୁର ଓ ଭୂବନେଶ୍ୱର ସମେତ ଏକକାଳୀନ ୧୦ଟି ସ୍ଥାନରେ ଚଢ଼ାଉ କରିଥିଲା ଭିଜିଲାନ୍ସ । ଚଢ଼ାଉରେ ଭୁବନାନନ୍ଦଙ୍କର ବ୍ରହ୍ମପୁରଠାରେ ୩ କୋଟି ମୂଲ୍ୟର ଦୁଇଟି ଘର ଥିବା ବେଳେ ଭୂବନେଶ୍ୱରରେ ୨୮ଲକ୍ଷର ଏକ ଆପର୍ଟମେଣ୍ଟ ଥିବା ଜାଣିବାକୁ ପାଇଥିଲା ଭିଜିଲାନ୍ସ । ଏହାଛଡ଼ା ବ୍ରହ୍ମପୁରରେ ୩୮ଲକ୍ଷ ଟଙ୍କାର ୧୦ଟି ପ୍ଲଟ, ପୁରୀ ଓ ଗୋପାଳପୁରରେ ଆପାର୍ଟମେଣ୍ଟ ଓ ୨୦ଲକ୍ଷରୁ ଅଧିକ ଟଙ୍କାର ବୀମା ରହିଛି ।