ମାଓବାଦୀଙ୍କ ବର୍ବରତା, ୩ ଯବାନ ସହିଦ

ମାଲକାନଗିରି(ବଡ଼ ଖବର ବ୍ୟୁରୋ):  ନକ୍ସଲ ହାମଲାରେ ସହିଦ ହେଲେ ଯବାନ । ମାଲକାନଗିରି ଛତିଶଗଡ଼ ସୀମାନ୍ତ ସୁକମା ଜିଲ୍ଲାରେ ଦେଖିବାକୁ ମିଳିଛି ମାଓ ହିଂସାର ବର୍ବର ଚିତ୍ର । ନକ୍ସଲ ପନ୍ଥିଙ୍କ ଗୁଳିରେ ତିନି ଜଣ ଡିଆରଜି ଯବାନ ସହିଦ ହୋଇଥିବା ବେଳେ ଦୁଇ ଜଣ ଆହତ ହୋଇଛନ୍ତି । ସହିଦ ଯବାନମାନେ ଡିଆରଜି ବାହିନୀର ଏ.ଏସ.ଆଇ ରାମୁରାମ ନାଗ ଏବଂ କନେଷ୍ଟବଳ କୁଞ୍ଜାମ ଜଗା ଓ ଭାଞ୍ଜାମ ଭିମା ।

ଜାଗରକୋଣ୍ଡା ଥାନା  କୁନ୍ଦେର ଜଙ୍ଗଲରେ ହୋଇଛି ମାଓ ହାମଲା । ସକାଳ ସମୟରେ ଜାଗରକୋଣ୍ଡା କ୍ୟାମ୍ପରୁ ଯବାନମାନେ କୁନ୍ଦେର ଜଙ୍ଗଲ ଦେଇ କମ୍ବିଂ ଅପରେସନରେ ଯାଉଥିବା ବେଳେ ହଠାତ ମାଓବାଦୀମାନେ ଯବାନଙ୍କ ଉପରକୁ ଗୁଳିଚାଳନା କରିଥିଲେ । ଘଟଣାସ୍ଥଳରେ ତିନି ଜଣ ଯବାନ ସହିଦ ହୋଇଥିବା ବେଳେ ଦୁଇ ଜଣଙ୍କୁ ଜାଗରକୋଣ୍ଡା କ୍ୟାମ୍ପକୁ ନିଆଯାଉଛି ।