ପିଇଓଙ୍କ ଘରେ ଭିଜିଲାନ୍ସ ରେଡ
ପଦ୍ମପୁର (ବଡ଼ ଖବର ବ୍ୟୁରୋ):ପଦ୍ମପୁର ଉପଖଣ୍ଡ ରାଜ ବୋଡା ସମ୍ବର ବ୍ଲକ ଦହିତା ପଞ୍ଚାୟତ ପିଇଓଙ୍କ ଘରେ ଆୟ ବର୍ହିଭୁତ ସମ୍ପତ୍ତି ଠୁଳ ଅଭିଯୋଗ । ସକାଳୁ ବରଗଡ ଭିଜିଲାନ୍ସ ଟିମର ଚଢାଉ । ପିଇଓ ପୁରନ୍ଦର ସାହୁଙ୍କ ନିଜସ୍ୱ ବାସ ଭବନରେ ଚଡାଉ । ପଦ୍ମପୁରରେ ଥିବା ଏକ ଭଡା ଘରେ ମଧ୍ୟ ଚଢାଉ ଜାରି ରଖିଛି ଭିଜିଲାନ୍ସ ଟିମ । ପୁରନ୍ଦର ସାହୁଙ୍କ ନାଁରେ ଆୟ ବହିର୍ଭୁତ ସମ୍ପତି ଠୁଳ ଅଭିଯୋଗରେ ସମ୍ବଲପୁର ଭିଜିଲାନ୍ସ ଏସପି ସାରା ଶର୍ମାଙ୍କ ନିର୍ଦ୍ଦେଶ କ୍ରମେ ତଦନ୍ତ ପାଇଁ ବରଗଡ ଭିଜିଲାନ୍ସ ଟିମ ଚଢାଉ କରିଥିଲା । କାଗଜପତ୍ର , ଘର, ଜମିବାଡିର ମୂଲ୍ୟ ଆକଳନ ଜାରି ରହିଥିବାର ସୂଚନା ଦେଇଛନ୍ତି ବରଗଡ ଭିଜିଲାନ୍ସ ଡିଏସପି ପରମେଶ୍ୱର କିଶାନ ଓ ସମ୍ବଲପୁର ଡିଏସପି ଦାଶରଥି ସେଠୀ । ପିଇଓଙ୍କ ଘର ସହ ମୋଟ ତିନୋଟି ଜାଗାରେ ଚଢାଉ ହୋଇଥିଲା ।