ପାଲଲହଡ଼ା ବନ ବିଭାଗର ବଡ଼ ସଫଳତା
ପାଲଲହଡ଼ା (ବଡ଼ ଖବର ବ୍ୟୁରୋ): ଅନୁଗୁଳ ଜିଲ୍ଲା ପାଲଲହଡ଼ା ବନ ବିଭାଗର ବଡ଼ ସଫଳତା । ଦୀର୍ଘ ୯ଦିନର ଛକାପଞ୍ଝା ପରେ ଅଭିଯୁକ୍ତଙ୍କୁ ଧରିଛି ବନବିଭାଗ । ଆଠଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଅଭିଯୁକ୍ତ ଆଠଜଣଙ୍କ ମଧ୍ୟରୁ ପାଲଲହଡ଼ା ବ୍ଲକ ନମପସି ପଞ୍ଚାୟତ ଛେଳିଆବେଡ଼ା ଗ୍ରାମର ଛଅ ଜଣ ଏବଂ ଦେବଗଡ଼ ଜିଲ୍ଲା ବାରକୋଟ ବ୍ଲକର ଗୋପପୁର ଓ ମରାହା ଗ୍ରାମର ବୋଲି ବନବିଭାଗ ପକ୍ଷରୁ ସୂଚନା ଦିଆଯାଇଛି । ବନ ବିଭାଗର ସଫଳତାକୁ ସାଧାରଣରେ ପ୍ରଶଂସା କରାଯାଇଛି ।
ଗତ ଗୁରୁବାରଦିନ ତେଲକୋଇ ବନବିଭାଗର ପାଲଲହଡ଼ା ରେଞ୍ଜ ଅଧିନରେ ଥିବା କନ୍ତଳା ସେକ୍ସନ ଜମରା ବିଟ୍ ର ବନ କର୍ମଚାରୀଙ୍କ ଦ୍ୱାରା ପେଟ୍ରୋଲିଂ କରାଯାଉଥିବା ସମୟରେ ଏକ ମୃତ ଦନ୍ତାହାତୀର ଶବ ମିଳିଥିଲା । ହାତୀର ଦାନ୍ତ କେହି ଦୁର୍ବୃତ୍ତଚୋରି କରି ନେଇଥିଲା । ଦୁବୃତ୍ତଙ୍କ ଟେର ପାଇନଥିଲା ବନ ବିଭାଗ । ଦୀର୍ଘ ଆଠ ଦିନର ମାରାଥନ ଜେରାର ପରେ ଆଜି ଅନ୍ତ ଘଟିଛି । ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।
ସୂଚନା ଅନୁଯାୟୀ, ଗତ ଗୁରୁବାର ଛତୁ ଗୋଟାଇବାକୁ ଯାଇଥିବା ବେଳେ ତୃପ୍ତଝରଣ ଗାଁର ଲାଲମୋହନ ମହନ୍ତ ମୃତ ହାତୀର ମୃତଦେହ ଦେଖି ବନ ବିଭାଗକୁ ଖବର ଦେଇଥିଲେ । ବନବିଭାଗ ସଙ୍ଗେ ସଙ୍ଗେ ଘଟଣା ସ୍ଥଳରେ ପହଞ୍ଚି ହାତୀର ମୃତଦେହକୁ ଜବତ କରିଥିଲା। କେହି ଦୁର୍ବୃତ୍ତ ହାତୀର ଦାନ୍ତ ନେଇ ଚମ୍ପଟ ମାରିଥିଲା । ପାଲଲହଡା ଡିଏଫ କ୍ଷମା ଷଡଙ୍ଗୀ ଓ ରେଞ୍ଜର ଦୁର୍ୟ୍ୟଧନ ଜେରାଇ ଏନେଇ ସୂଚନା ଦେଇଥିଲେ । ଉକ୍ତ ଘଟଣାରେ ସମ୍ପୃକ୍ତଥିବା ଆଠଜଣଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।