ପୁଣି ଜନନୀ ଯନ୍ତ୍ରଣା, ଷ୍ଟ୍ରେଚରରେ ବୁହା ହେଲେ ଗର୍ଭବତୀ ମହିଳା

ମୋହନା (ବଡ଼ ଖବର ବ୍ୟୁରୋ): ଗଜପତି ଜିଲ୍ଲା ମୋହନା ବ୍ଲକ ଜକରା ପଲୀ ଗ୍ରାମରେ ଦେଖିବାକୁ ମିଳିଛି ପୁଣି ଏକ ଜନନୀ ଯନ୍ତ୍ରଣା । ଗାଁକୁ ପହଞ୍ଚି ପରିଲା ନାହିଁ ଆମ୍ବୁଲାନ୍ସ । ଫଳରେ ଜକରା ପଲୀ ଗ୍ରାମର ଅୱୀକା ରଇତଙ୍କୁ ୨ କିଲୋମଟର ଷ୍ଟ୍ରେଚରରେ ବୋହିଲେ ଗ୍ରାମବାସୀ । ଗାଁ କୁ ଯିବା ପାଇଁ ରାସ୍ତା ନଥିବାରୁ ଆମ୍ବୁଲାନ୍ସ ପହଞ୍ଚି ପାରନଥିବା ଜଣାପଡ଼ିଛି । ଅୱୀକାଙ୍କ ଅବସ୍ଥା ଗୁରୁତର ହେବାରୁ ଘର ଲୋକେ ରେ ୧୦୮କୁ ଯୋଗାଯୋଗ କରିଥିଲେ । ଆମ୍ବୁଲାନ୍ସ ଆସିଥିଲା କିନ୍ତୁ ରାସ୍ତା ଅବସ୍ଥା ଶୋଚନୀୟ ଥିବାରୁ ଗ୍ରାମ ପୂର୍ବରୁ ୨କି.ମି. ଦୂରରେ ଅଟକି ଗଲା ।

ସେଠାରୁ ୧୦୮ର ଫାର୍ମାଶିଷ୍ଟ ବିଦ୍ୟାଧର ସାହୁ ଓ ଆଟେଡ଼େଣ୍ଟ ଜସୀଅ ସବର ଗାଁରେ ପହଞ୍ଚି ପାହାଡିଆ ମାଟି ପଥରୀଆ ଓ ନଦୀ ପାଣୀ ରାସ୍ତାରେ ଚଢି ଗାଁ ଲୋକଙ୍କ ସହଯୋଗରେ ଷ୍ଟ୍ରେଚରରେ ବୋହି ଆମ୍ବୁଲାନ୍ସ ନିକଟକୁ ଆଣିଥିଲେ । ସେଠାରୁ ଚନ୍ଦ୍ରଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ବର୍ତମାନ ମାଆ ସୁସ୍ଥ ଥିବା ସ୍ୱାସ୍ଥ୍ୟକେନ୍ଦ୍ର ପକ୍ଷରୁ ସୂଚନା ଦିଆଯାଇଛି ।