ଭିଜିଲାନ୍ସ ଜାଲରେ ରେମୁଣା ତହସିଲଦାର ବିଦ୍ୟାଧର ପତି

ରେମୁଣା (ବଡ଼ ଖବର ବ୍ୟୁରୋ): ଭିଜିଲାନ୍ସ ଜାଲରେ ବାଲେଶ୍ୱର ଜିଲ୍ଲା ରେମୁଣା ତହସିଲଦାର । ତହସିଲଦାର ବିଦ୍ୟାଧର ପତିଙ୍କ ଘରେ ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଚଢ଼ାଉ ଚାଲିଛି। ଏକ କାଳୀନ ୭ଟି ସ୍ଥାନରେ ଏହି ଚଢ଼ାଉ ଜାରି ରହିଛି। ଚଢ଼ାଉରେ ଡିଏସ୍‌ପି, ୩ ଜଣ ଇନ୍ସପେକ୍ଟର, ୧୦ ଜଣ ଏଏସ୍ଆଇ ଏବଂ ଅନ୍ୟାନ୍ୟ ସହାୟକ କର୍ମଚାରୀ ନିୟୋଜିତ ଅଛନ୍ତି।

ନିମ୍ନଲିଖିତ ୭ଟି ସ୍ଥାନରେ ଏକକାଳୀନ ଚଢ଼ାଉ ଜାରି ରହିଛି। ଫ୍ଲାଟ୍ ନମ୍ବର ସି୬୦୪, ତାମାରିନ୍ ଟେରାସ୍, ଶୈଳଶ୍ରୀ ବିହାର, ଭୁବନେଶ୍ୱରର ରୁଦ୍ରପୁରର ଆସୋଟେକ୍ ପ୍ରାଇଡ୍‌ରେ ଥିବା ତାଙ୍କ ଫ୍ଲାଟ୍,କୁରୁଡା, ପିଏସ୍-ସଦର, ଜିଲ୍ଲା-ବାଲସୋରରେ ଅବସ୍ଥିତ ଦୁଇ ମହଲା କୋଠା। ସୋରୋ ଆଇନ୍ରିରେ ଥିବା ପତିଙ୍କ ପୈତୃକ ଘର ଚାଲିଛି ରେଡ୍ । ସେପଟେ ତହସିଲଦାରଙ୍କ କାର୍ୟ୍ୟାଳୟ ଓ ବାଲେଶ୍ୱରରେ ଥିବା ବାସଭବନରେ ଚାଲିଛି ରେଡ୍। ପଞ୍ଚସଖା ନଗର, ଡୁମଡୁମା, ଭୁବନେଶ୍ୱରରେ ଅବସ୍ଥିତ ସମ୍ପର୍କୀୟଙ୍କ ଘର ମଧ୍ୟ ଚଢ଼ାଉ ଜାରି ରହିଛି।