ଡ୍ରାଇଭରଙ୍କ ସହ ବୁଝାମଣା କରିବାକୁ ଚାହୁଁଛି: ଥାପଡ ଗାର୍ଲ

ଲକ୍ଷ୍ନୌ(ବଡ଼ ଖବର ବ୍ୟୁରୋ): ଯଦି ପୋଲିସ ତା କାମ ସଠିକ ଭାବେ କରିଥାନ୍ତା ତେବେ ମୁଁ ଚାପୁଡ଼ା ମାରିନଥାନ୍ତି । ଏଭଳି ଏକ ବୟାନ ଜାରି କରିଛନ୍ତି ପ୍ରିୟଦର୍ଶିନୀ ଯାଦବ ।ଲକ୍ଷ୍ନୌର ଏହି ମହିଳା କିଛି ଦିନ ତଳେ ଜଣେ କ୍ୟାବ ଡ୍ରାଇଭରଙ୍କୁ ଚାପୁଡ଼ା ମାରି ସମାଲୋଚନାର ପରିସର ମଧ୍ୟକୁ ଆସିଥିଲେ । ଏବେ ସେ ଆଉ ଏକ କଥା ସାମ୍ନାକୁ ଆଣିଛନ୍ତି ।

ସେ କହିଛନ୍ତି ଗତ ଏକ ମାସ ହେବ ତାଙ୍କୁ କିଛି ବ୍ୟକ୍ତି ଅନୁସରଣ କରୁଛନ୍ତି । ଯାହାର ପ୍ରମାଣ ସ୍ୱରୂପ ସେ ସିସିଟିଭି ଫୁଟେଜ ମଧ୍ୟ ରଖିଛନ୍ତି । ତେବେ ସେହି ବ୍ୟକ୍ତି ଗୁଡ଼ିକ ତାଙ୍କୁ ଏକ ତରଫା ପ୍ରେମ କରୁଥାଇ ପାରନ୍ତି ବୋଲି ମଧ୍ୟ କହିଛନ୍ତି । ତେବେ ବର୍ତ୍ତମାନ ସେ କ୍ୟାବ ଡ୍ରାଇଭରଙ୍କ ସହ ବୁଝାମଣା ମଧ୍ୟ କରିବାକୁ ଚାହୁଁଛନ୍ତି ବୋଲି କହିଛନ୍ତି ।