ବଦଳିଛି କ୍ୟାଲେଣ୍ଡର, ବଦଳିଛି ବର୍ଷ

ଭୁବନେଶ୍ୱର (ବଡ଼ ଖବର ବ୍ୟୁରୋ): ତାରିଖ ବଦଳିଛି କ୍ୟାଲେଣ୍ଡର ବଦଳିଛି, ବର୍ଷ ବି ବଦଳିଯାଇଛି । ବଦଳିଯାଇଛି ୨୦୨୩ । ଏବେଠୁ ନୂଆବର୍ଷ । ଆଜିଠୁ ଆମେ ୨୦୨୪ର ଲୋକ । ସମସ୍ତଙ୍କୁ ଇଂରାଜୀ ନୂଆବର୍ଷ ୨୦୨୪ର ଅନେକ ଅନେକ ଅଭିନନ୍ଦନ । ସୂର୍ଯେ୍ୟାଦୟ, ପୁଲକିତ ଫୁଲ, ଘାସ ଉପରେ ପଡ଼ିଥିବା କାକର ବୁନ୍ଦା, ଦେବାଳୟର ଘଣ୍ଟଧ୍ୱନି, ଚାରିଆଡୁ ଗୁଞ୍ଜରିତ ସୁମଧୁର ସଙ୍ଗୀତ । ଏସବୁ ଆପଣଙ୍କ ଜୀବନକୁ କରିଦେଉ ସମୃଦ୍ଧ ।

ନୂଆ ବର୍ଷକୁ ସ୍ୱାଗତ କରିବା ପାଇଁ ପୁରଠୁ ପଲ୍ଲୀ ସବୁଠି ଉତ୍ସବର ମାହୋଲ । ରଙ୍ଗୀନ ଆଲୋକରେ ସଜେଇ ହୋଇଛି ରାଷ୍ଟ୍ରପତି ଭବନ , ସଂସଦର ସାଉଥ ବ୍ଲକ । ସେହିପରି ଦିଲ୍ଲୀର ବିଜୟ ଚୌକ ତ୍ରିରଙ୍ଗା ରଙ୍ଗରେ ରଙ୍ଗେଇ ହୋଇଛି । ଚିକମିକ ଲାଇଟର ଆଲୋକ ମାଳାରେ ଝଲସୁଛି ଦିଲ୍ଲୀ । ନାଚ ଗୀତରେ ସମଗ୍ର ଦିଲ୍ଲୀ ସହର ଉତ୍ସବମୁଖର ହୋଇପଡିଛି । ବିଭିନ୍ନ ହୋଟେଲ, ରେଷ୍ଟୁରାଂଟରେ ନାଚ ଗୀତରେ ଆସର । ନୂଆ ବର୍ଷକୁ ନୂଆ ଢଙ୍ଗରେ ସ୍ୱାଗତ କରିବା ପାଇଁ ସହରର ଲୋକେ ବିଭିନ୍ନ ସ୍ଥାନରେ ଏକାଠି ହୋଇଛନ୍ତି । ବଡ଼ ଖବର ତରଫରୁ ସମସ୍ତଙ୍କୁ ଇଂରାଜୀ ନୂଆବର୍ଷ ୨୦୨୪ର ଅନେକ ଅନେକ ଅଭିନନ୍ଦନ ।