ଓଡ଼ିଶାରେ ହ୍ୱାଇଟ୍ ଫଙ୍ଗସ୍ ଚିହ୍ନଟ
ସମ୍ବଲପୁର(ବଡ଼ ଖବର ବ୍ୟୁରୋ): ଓଡ଼ିଶାରେ ହ୍ୱାଇଟ ଫଙ୍ଗସ ରୋଗୀ ଚିହ୍ନଟ । ସମ୍ବଲପୁର ଜିଲ୍ଲା ବୁର୍ଲାସ୍ଥିତ ଭିମସାରରେ ୩ଜଣ ହ୍ୱାଇଟ ଫଙ୍ଗସ ରୋଗୀ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରେ ବରଗଡ଼ ଜିଲ୍ଲାର ଜଣେ ୫୫ବର୍ଷର ମହିଳା, ଜଣେ ୫୦ବର୍ଷର ଓ ଜଣେ ୫୮ବର୍ଷର ପୁରୁଷ ରହିଛନ୍ତି । ତେବେ ବର୍ତ୍ତମାନ ସମସ୍ତଙ୍କ ସ୍ୱାସ୍ଥ୍ୟାବସ୍ଥା ଠିକ ଥିବା ଡାକ୍ତର କହିଛନ୍ତି । ସେପଟେ ଗତକାଲି ଭିମସାରରେ ଦୁଇଜଣ ବ୍ଲାକ୍ ଫଙ୍ଗସ୍ ରୋଗୀ ମଧ୍ୟ ଚିହ୍ନଟ ହୋଇଛନ୍ତି ।
ତେବେ ଏହି ରୋଗୀ ମାନେ କିପରି ସୁସ୍ଥ ହେବେ ସେ ନେଇ ଡାକ୍ତରୀ ଟିମ ଚେଷ୍ଟା ଚଳାଇଛନ୍ତି । ଚିହ୍ନଟ ହୋଇଥିବା ଦୁଇ ବ୍ଲାକ୍ ଫଙ୍ଗସ୍ ରୋଗୀଙ୍କ ମଧ୍ୟରୁ ବରଗଡ଼ର ରୋଗୀ କର୍ଣ୍ଣ ନାସା ଗଳା ବିଭାଗରେ ଚିକିତ୍ସିତ ହେଉଛନ୍ତି । ତାଙ୍କ ଅବସ୍ଥା ବିଗିଡ଼ିବାରେ ଲାଗିଛି ବୋଲି ଡାକ୍ତର କହିଛନ୍ତି । ଚିକିତ୍ସା ପାଇଁ ଆବଶ୍ୟକ ଇଞ୍ଜେକ୍ସନ ଭିମସାରରେ ଷ୍ଟକ୍ ନାହିଁ ଏନେଇ ଏମସ ସହ ଯୋଗାଯୋଗ କରାଯାଉଛି ବୋଲି ଇଏନଟି ବିଭାଗର ଡାକ୍ତର କହିଛନ୍ତି । ସେହିପରି ଝାରସୁଗୁଡାର ଅନ୍ୟତମ ବ୍ଲାକ୍ ଫଙ୍ଗସ ରୋଗୀଙ୍କ ସ୍ୱାସ୍ଥ୍ୟାବସ୍ଥା ଠିକ୍ ଥିବା କୁହାଯାଉଛି ।