ଇଣ୍ଡିଆ ମେଂଟରେ ପ୍ରଧାନମନ୍ତ୍ରୀ ପ୍ରାର୍ଥୀ କିଏ? କ’ଣ କହିଲେ ଖଡଗେ?

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଇଣ୍ଡିଆ ମେଂଟରେ ପ୍ରଧାନମନ୍ତ୍ରୀ ପ୍ରାର୍ଥୀ କିଏ? ଏନଡିଏରୁ ମୋଦି ହେଲେ, ବିରୋଧୀରୁ କିଏ ହେବ ପିଏମ୍ ରେସର କ୍ୟାଣ୍ଡିଡେଟ? ଏ ପ୍ରଶ୍ନ ଏବେର ନୁହେଁ । ଯେବେଠୁ ବିରୋଧୀ ଗଠବନ୍ଧନ ହେଲାଣି ସେବେଠୁ ଏ ପ୍ରଶ୍ନ ଛିଡ଼ା ହୋଇଛି । ତେବେ ୨୦୨୪ ଲୋକସଭା ନିର୍ବାଚନରେ ଇଣ୍ଡିଆର ପିଏମ ପ୍ରାର୍ଥୀର ପ୍ରଶ୍ନ ଉପରେ କଂଗ୍ରେସର ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ତାଙ୍କ ଦଳର ଆଭିମୁଖ୍ୟକୁ ସ୍ପଷ୍ଟ କରିଛନ୍ତି । ସେ କହିଛନ୍ତି ନିର୍ବାଚନ ସରିଯାଉ । ଆମେ ଯେତେବେଳେ ନିର୍ବାଚନ ଜିତିବୁ ସେତେବେଳେ ଏକାଠି ବସି ବୈଠକ କରିବୁ । ଏବଂ ପରେ ହିଁ ନିଷ୍ପତି ନେବୁ କିଏ ହେବ ଆମ ଦଳର ପ୍ରଧାନମନ୍ତ୍ରୀ ପ୍ରାର୍ଥୀ । ଛତିଶଗଡ ବିଧାନସଭା ନିର୍ବାଚନରେ ରାଜ୍ୟର ବିଭିନ୍ନ ଅଂଚଳରେ ନିର୍ବାଚନୀ ପ୍ରଚାର ଆରମ୍ଭ ହୋଇଗଲାଣି । ଯାହାକୁ ନେଇ ଷ୍ଟାର ପ୍ରଚାରକ ଭାବେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଏଥିରେ ସାମିଲ ହୋଇଥିଲେ ।