ସେମିଳିଗୁଡ଼ା (ବଡ଼ ଖବର ବ୍ୟୁରୋ): ଓଡ଼ିଶାରୁ କୋଟିଆକୁ ଅଲଗା କରିଦେବ କି ଆନ୍ଧ୍ର? ଓଡ଼ିଶା ପ୍ରତିବାଦର ସ୍ୱର କ୍ଷୀଣ ହେଉଥିବାରୁ ଫାଇଦା ଉଠାଇବାକୁ ପଡୋଶୀ ରାଜ୍ୟ ଚଳାଇଛି ଉଦ୍ୟମ । ଓଡ଼ିଶା ଓ କୋଟିଆ ମଧ୍ୟରେ ପାଚେରି ତିଆରି କରିବ କି ଆନ୍ଧ୍ର? । ଓଡ଼ିଶାର କୌଣସି ଲୋକେ ଯେପରି କୋଟିଆ ଯାଇପାରିବେ ନାହିଁ ଆନ୍ଧ୍ର ଚଳାଇଛି ଉଦ୍ୟମ । କୋରାପୁଟ ଜିଲ୍ଲାର କୁନ୍ଦୁଲିଠାରୁ ଦେଓମାଳି ରାସ୍ତାରେ ପ୍ରାୟ ୨୨ କିଲୋମିଟର ଗଲେ ପଡେ କୋଟିଆ । କୋଟିଆ ପଞ୍ଚାୟତ ଅଫିସଠାରୁ ୧୪ କିଲୋମିଟର ଗଲେ ଫାଟୁସିନେରି, ଫଗୁଣସିନେରି, ଗଞ୍ଜେଇପଦର, ସଲପକୁଡ଼ା, କୋଣାଦୋରା ପ୍ରଭୃତି ଗାଁ ରହିଛି । ଏହା ଓଡ଼ିଶାର । କୋଟିଆ ପଞ୍ଚାୟତର । ମାତ୍ର ଓଡ଼ିଶା ଲୋକେ ଯେପରି କୋଟିଆରେ ପଶି ପାରିବେ ନାହିଁ ଆନ୍ଧ୍ର ସରକାରଙ୍କ ପକ୍ଷରୁ ରାସ୍ତା ଅବରୋଧ କରାଯାଇଛି । ମାଟି ପକାଇ ରାସ୍ତା ଅବରୋଧ କରାଯାଇଛି । ମାର୍କାରପୋଲ ନିକଟରେ ମାଟି ପକାଇ ରାସ୍ତା ଅବରୋଧ କରାଯାଇଛି । ଫାଟୁସିନେରି ପରେ ଆନ୍ଧ୍ର ସୀମା ଆରମ୍ଭ । କିନ୍ତୁ ଓଡ଼ିଶା ସୀମାରେ ମାଟି ପକାଇ ରାସ୍ତା ଅବରୋଧ କରାଯାଇଥିବା ବେଳେ ଆନ୍ଧ୍ର ସୀମା ମୁକୁଳା ।
