ବିଶ୍ୱ ବନ୍ଧୁ ସେବା ମନ୍ଦିର ଶିରାକୁଳି ପ୍ରତିଷ୍ଠା ଦିବସ
ଭୁବନେଶ୍ୱର (ବଡ଼ ଖବର ବ୍ୟୁରୋ): ମୟୂରଭଞ୍ଜ ଭୂମିପୁତ୍ର ସେବକଶ୍ରୀ କଂଗ୍ରେସ ଭାଇଙ୍କ ଦ୍ଵାରା ଯଶିପୁର ଶିରାକୁଳି ଠାରେ ପ୍ରତିଷ୍ଠିତ ହୋଇ ଥିବା ବିଶ୍ୱ ବନ୍ଧୁ ସେବା ମନ୍ଦିର ପରିସରରେ ଏହାର ୪୪ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି । ମାନବ ସମାଜର ନୈତିକ ବିକାଶ ଓ ଗରିବ ଦୁଃସ୍ଥ ମେଧାବୀ ବିଦ୍ୟାର୍ଥୀଙ୍କ ବିକାଶ ଲକ୍ଷ୍ୟ ନେଇ କଂଗ୍ରେସ ଭାଇ ଏହି ସେବା ମନ୍ଦିରକୁ ୧୯ ଜୁନ୍ ୧୯୭୮ ମସିହାରେ ପ୍ରତିଷ୍ଠା କରି ଥିଲେ । ଅଞ୍ଚଳର ବିଶିଷ୍ଟ ଶିକ୍ଷାବିତ ବିଶ୍ଵନାଥ ମହାନ୍ତଙ୍କ ସଭାପତିତ୍ୱରେ ଆୟୋଜିତ ହୋଇ ଥିବା ଏହି ଶୋଭାରେ ଶିରାକୁଳି ଡାକଘରର ବରିଷ୍ଠ ଅଧିକାରୀ ଲୋମ୍ବଦର ନାଏକ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।
ବିନୋବା ଜେପି ଉଚ୍ଚ ବିଦ୍ୟାଳୟର ଶିକ୍ଷକ ଅମରନାଥ ମହାନ୍ତ ସଭାରେ ମୁଖ୍ୟବକ୍ତା ଭାବେ ଯୋଗ ଦେଇ ପୂଜ୍ୟଶ୍ରୀ ଭାଇଙ୍କ ସେବା ଜୀବନୀ ଉପରେ ଆଲୋକପାତ କରିଥିଲେ । ସଭା ଶେଷରେ ବିଶ୍ୱ ବନ୍ଧୁ ସେବା ମନ୍ଦିରର ସମ୍ପାଦକ କପିଳ ନାଏକ ଗରିବ ମେଧାବୀ ଛାତ୍ରଛାତ୍ରୀମାନଙ୍କୁ ପାଠ୍ୟପକରଣ ପ୍ରଦାନ କରିଥିଲେ । ସଭାରେ ଅନ୍ୟମାନଙ୍କ ମଧ୍ୟରେ ପ୍ରତାପ ନାଏକ, ବିଦ୍ୟାଧର ନାଏକ, ସତ୍ୟବତୀ ନାଏକ, ହୀରାଲାଲ ନାଏକ, ଧର୍ମେନ୍ଦ୍ର ନାଏକ ଓ ବିଶ୍ୱ ବନ୍ଧୁ ସେବା ମନ୍ଦିରର ଅନ୍ତେବାସୀମାନେ ଯୋଗ ଦେଇଥିଲେ । ବିଶ୍ୱ ବନ୍ଧୁ ସେବା ଟ୍ରଷ୍ଟ, କରଞ୍ଜିଆର ଯୁବ ସଦସ୍ୟ ସିବୁନ୍ କୁମାର ନାଏକ ସଭା ଶେଷରେ ଧନ୍ୟବାଦ ଅର୍ପଣ କରିଥିଲେ ।