ଭୟଙ୍କର ଗର୍ଜନ କରି ମାଡି ଆସୁଛି ‘ୟାଶ’

ଭୁବନେଶ୍ବର (ବଡ଼ ଖବର ବ୍ୟୁରୋ): ଭୟଙ୍କର ଗର୍ଜନ କରି ଆଗକୁ ଆଗକୁ ମାଡ଼ି ଆସୁଛି ବାତ୍ୟା ‘ୟାଶ୍’ । ଦୂରତା ଯେତିକି କମୁଛି, ମନରେ ଭୟ ସେତିକି ବଢୁଛି । ବାତ୍ୟା ପ୍ରଭାବରେ ଉପକୂଳ ଅଞ୍ଚଳରେ ପବନର ବେଗ ବଢିବାରେ ଲାଗିଛି । ତା’ସାଙ୍ଗକୁ ବର୍ଷା ବି ବଢ଼ିବାରେ ଲାଗିଛି । ବୁଧବାର ଭଦ୍ରକ-ବାସୁଦେବପୁରରୁ-ବାହାନାଗା ମଧ୍ୟରେ ଲ୍ୟାଣ୍ଡଫଲ କରିବାର ଆଶଙ୍କା ରହିଛି ।

ଲ୍ୟାଣ୍ଡଫଲ ସମୟରେ ପବନର ବେଗ ୧୪୦ରୁ ୧୫୫ କିଲୋମିଟର ରହିବ । ଲ୍ୟାଣ୍ଡଫଲ ସମୟରେ ଘଣ୍ଟା ପ୍ରତି ୧୮୦ କିଲୋମିଟର ବେଗରେ ରହିପାରେ ପବନର ବେଗ । ବୁଧବାର ଭୋର ୪ଟାରୁ ସକାଳ ୮ଟା ଭିତରେ ବାତ୍ୟା ଲ୍ୟାଣ୍ଡଫଲ କରିବାର ଆଶଙ୍କା ରହିଛି । କିଛିକିଛି ସ୍ଥାନରେ ୪ ମିଟର ପର୍ୟ୍ୟନ୍ତ ଜୁଆର ଉଠିବା ମଧ୍ୟ କୁହାଯାଉଛି । ଖାସକରି ବାଲେଶ୍ବର, ଭଦ୍ରକ, କେନ୍ଦ୍ରାପଡ଼ା ଓ ଜଗତସିଂହପୁର ଜିଲ୍ଲାରେ ବାତ୍ୟା ପ୍ରଭାବ ଦେଖିବାକୁ ମିଳବ ବୋଲି କହିଛନ୍ତି ଏସଆରସି ।