ଇତିହାସ ରଚିଛନ୍ତି ୟୁଟୁବର ଏଲଭିଶ ଯାଦବ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଏଲଭିଶ ଯାଦବ ଏବଂ ତାଙ୍କ ଫ୍ୟାନ୍ସମାନଙ୍କୁ ଅଶେଷ ଅଶେଷ ଅଭିନନ୍ଦନ। ବିଗ ବସ୍ ଓଟିଟି-୨ର ବିଜେତା ଏଲଭିଶ ଇତିହାସ ସୃଷ୍ଟି କରିଛନ୍ତି । ଗତ ୧୬ ବର୍ଷ ମଧ୍ୟରେ ଏହା ପ୍ରଥମ ଥର ପାଇଁ ଘଟିଛି, ଯେ ୱାଇଲ୍ଡ କାର୍ଡରେ ଆସିଥିବା ପ୍ରତିଯୋଗୀ ବିଜେତା ହେବେ । ମାତ୍ର ଏଲଭିଶ ଏହାକୁ ଭୁଲ ପ୍ରମାଣ କରିଛନ୍ତି ଏବଂ ବିଜେତାର ମୁକୁଟ ପିନ୍ଧିଛନ୍ତି । ଏଲଭିଶଙ୍କ ଜିତିବା ନେଇ ତାଙ୍କ ଫ୍ୟାନ୍ସ ଏବଂ ପରିବାରବାସୀ ଅତ୍ୟନ୍ତ ଖୁସି ଥିବା ଜଣା ପଡୁଛନ୍ତି । ସମସ୍ତେ ଏହାକୁ ଏକ ଉତ୍ସବ ରୂପେ ପାଳନ କରୁଛନ୍ତି । ସୋସିଆଲ ମିଡିଆରେ ପ୍ରଶଂସକମାନେ ଏଲଭିଶଙଯକ ବିଜୟ ପାଳନ କରୁଛନ୍ତି । ଏହି ‘ଶୋ’ରେ ତାଙ୍କ ସହ ୟୁଟୁବର ଫୁକରା ଇନ୍ସାନ ଓ ଇନଫ୍ଲୁଏନ୍ସର ମନିଷା ରାନୀ ମଧ୍ୟ ଥିଲେ । ବିଜେତା ହେବା ପରେ ଏଲଭିଶଙ୍କୁ ୨୫ ଲକ୍ଷ ଟଙ୍କା ଏବଂ ଏକ ସୁନ୍ଦର ଟ୍ରଫି ପୁରଷ୍କାର ସ୍ୱରୁପ ମିଳିଛି ।