ଦିଲ୍ଲୀ(ବଡ଼ ଖବର ବ୍ୟୁରୋ): ଗତ କିଛି ଦିନ ହେବ ରାଜନୀତି ରୁ ଦୂରେଇରହିଛନ୍ତି ଆପ୍ ନେତା ରାଘବ ଚଢା । ଗଣମାଧ୍ୟମରେ ସବୁବେଳେ ଆକ୍ଟିଭ୍ ରହୁଥିବା ରାଘବ ଚଢା ସୋସିଆଲ ମିଡିଆରୁ ମଧ୍ୟ ଦୂରେଇରହିଛନ୍ତି । ସେ କୁଆଡେ ଗଲେ ତାକୁ ନେଇ ବର୍ତମାନ ଚର୍ଚ୍ଚା ଜୋର ଧରିଛି ।
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଗିରଫ ହେବା ଦିନଠାରୁ ବିରୋଧୀ ଦଳ ଆପ୍ ସାଂସଦ ରାଘବ ଚଢ଼ାଙ୍କ ଅନୁପସ୍ଥିତିକୁ ନେଇ ଦଳକୁ ଟାର୍ଗେଟ କରିଆସୁଛନ୍ତି । ଏନେଇ ଆପ୍ ନେତା ତଥା ମନ୍ତ୍ରୀ ସୌରଭ ଭରଦ୍ୱାଜ ନିଜର ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି ଯେ, ତାଙ୍କ ଚିକିତ୍ସା ପାଇଁ ରାଘବ ବ୍ରିଟେନରେ ଅଛନ୍ତି । ରାଘବଙ୍କ ଆଖିରେ କିଛି ସମସ୍ୟା ରହିଛି, ଯାହାର ଚିକିତ୍ସା ପାଇଁ ସେ ବ୍ରିଟେନରେ ଅଛନ୍ତି । ସେ ଶୀଘ୍ର ସୁସ୍ଥ ହୋଇ ଆମର ରାଜନୈତିକ ଅଭିଯାନରେ ଯୋଗଦେବେ
