ପୁଣି କନ୍ଦେଇଲା ପିଆଜ !
ପୁଣି କନ୍ଦେଇଲା ପିଆଜ । ଚଳିତ ବର୍ଷରେ ଦ୍ବିତୀୟ ଥର ପାଇଁ ପୁଣିଥରେ ବଢ଼ିବାରେ ଲାଗିଛି ପିଆଜ ଦର। ପିଆଜ ମୁଖ୍ୟ ଉତ୍ପାଦନକାରୀ ରାଜ୍ୟ ମହାରାଷ୍ଟ୍ର ନାସିକ୍ ଏବଂ ଆନ୍ଧ୍ରପ୍ରଦେଶରେ ପ୍ରବଳ ବର୍ଷା ଯୋଗୁ ଚଳିତଥର ପିଆଜ ଫସଲ ଧୋଇଯାଇଛି। ସେପଟେ ଅନ୍ତର୍ଜାତୀୟ ବଜାରରେ ବର୍ତ୍ତମାନ ପିଆଜ ଦର ଉଚ୍ଚା ରହିଥିବାରୁ ଦେଶକୁ ଏବେ ଏହାର ଆମଦାନୀ ସମ୍ଭାବନା କମ୍। ଏଭଳି ସ୍ଥଳେ ଘରୋଇ ବଜାରରେ ସମ୍ପ୍ରତି ପିଆଜ କିଲୋ ପିଛା ୫୦ ଟଙ୍କା ଛୁଇଁଛି। ଏପରିକି ଦେଶରେ ପିଆଜ କିଲୋ ପିଛା ୧୦୦ ଟଙ୍କା ଛୁଇଁଲାଣି। ପରିସ୍ଥିତିକୁ ନଜରରେ ରଖି କେନ୍ଦ୍ର ସରକାର ଗୁରୁବାର ଏକ ଉଚ୍ଚ ସ୍ତରୀୟ ବୈଠକରେ ସ୍ଥିତିର ସମୀକ୍ଷା କରିଛନ୍ତି।