ସିଏମ୍ଓ VS ପିଏମ୍ଓ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଶୂନ୍ୟକାଳରେ ଗୃହରେ ମୁହାଁମୁହିଁ ବିଜେପି-ବିଜେଡି । ବିରୋଧୀଙ୍କ ନିଶାନା ଥିଲା ସିଏମ୍ଓ । ବିଜେଡିର ଟାର୍ଗେଟ ପିଏମ୍ଓ । ପ୍ରବଳ ହଟ୍ଟଗୋଳ ଓ ନାରବାଜି ସିଏମ୍ଓ ଭର୍ସେସ୍ ପିଏମ୍ଓ । ଶୂନ୍ୟକାଳରେ ମୁହାଁମୁହିଁ ହେଲେ ବିଜେପି-ବିଜେଡି । ମୁଖ୍ୟମନ୍ତ୍ରୀଙ୍କ କାର୍ୟ୍ୟାଳୟରେ ନିଯୁକ୍ତି ପାଇଥିବା ଅବସରପ୍ରାପ୍ତ ଅଫିସର ପ୍ରସଙ୍ଗ ଉଠାଇ ବିରୋଧୀ ଦଳ ନେତା ପୁଣି ରାଜ୍ୟ ସରକାରଙ୍କୁ ଟାର୍ଗେଟ କରିଥିଲେ । କହିଥିଲେ ମୁଖ୍ୟମନ୍ତ୍ରୀଙ୍କ କାର୍ୟ୍ୟାଳୟ ରିଟାୟାର୍ଡ ଅଫିସରଙ୍କ କ୍ଳବ ପାଲଟିଛି । ରାଜ୍ୟରେ ନିଯୁକ୍ତି ମିଳୁ ନଥିବାବେଳେ ଅବସରପ୍ରାପ୍ତ ଅଫିସରମାନଙ୍କୁ ଥଇଥାନ କରାଯାଉଛି ।

ବିରୋଧୀ ଦଳ ନେତାଙ୍କ ପ୍ରଶ୍ପର କଡ୍ଡା ଜବାବ ଦେଇଥିଲା ବିଜେଡି । ନୟାଗଡ଼ ବିଧାୟକ ଅରୁଣ ସାହୁ କହିଥିଲେ ଗୋଟେ ଆଙ୍ଗୁଳି ଅନ୍ୟକୁ ଦେଖେଇଲେ ଚାରୋଟି ଆଙ୍ଗୁଳି ନିଜ ଆଡକୁ ଆସିବ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହ ବୋଧ ହୁଏ, ବିରୋଧୀ ଦଳ ନେତାଙ୍କ କଳି ଲାଗିଛି । ସେଥିପାଇଁ ତାଙ୍କୁ ଅକଲରେ ପକାଇବାକୁ ଚେଷ୍ଟା କରୁଛନ୍ତି । ତାଙ୍କ ଅଫିସରେ କେତେ ଜ’ଣ ଅବସରପ୍ରାପ୍ତ ଅଧିକାରୀ ଅଛନ୍ତି ବୋଲି ଅରୁଣ ପ୍ରଶ୍ନ କରିଥିଲେ । ପ୍ରଧାନମନ୍ତ୍ରୀଙ୍କ ଅଫିସରେ ନିଯୁକ୍ତି ପାଇଥିବା ଅବସରପ୍ରାପ୍ତ ଅଧିକାରୀଙ୍କୁ ନେଇ ପ୍ରଶ୍ନ କରିବା ସହ ଖୋଲା ମାର୍କେଟରୁ ଆରଏସଏସ କ୍ୟାଡରଙ୍କୁ ଉଠାଯାଇ ଜଏଣ୍ଟ ସେକ୍ରେଟେରୀ ରଖାଯାଉଛି । ସମ୍ବିଧାନର କେଉଁଠି ଲେଖାଯାଇଛି ଅବସରପ୍ରାପ୍ତ ଅଧିକାରୀଙ୍କୁ ରଖାଯାଇ ପାରିବ ନାହିଁ ବୋଲି ବିରୋଧୀ ବିଜେପିକୁ ପ୍ରଶ୍ନ କରିଥିଲେ ଅରୁଣ । ଭଲ କାମ କରୁଥିବା ଅବସରପ୍ରାପ୍ତ ଅଫିସରମାନଙ୍କୁ ଉଭୟେ କେନ୍ଦ୍ର ଓ ରାଜ୍ୟ ସରକାର ନିଯୁକ୍ତି ଦେଇଛନ୍ତି । ତଥାପି ଉଭୟେ ସରକାର ଯୁବପିଢିଙ୍କ ନିଯୁକ୍ତି ଉପରେ ଗୁରୁତ୍ୱ ଦେବାର ଆବଶ୍ୟକତା ରହିଛି ।