ଚଳନ୍ତା ଟ୍ରେନରେ ମହିଳାଙ୍କୁ ଦୁଷ୍କର୍ମ
ମୁମ୍ବାଇ(ବଡ଼ ଖବର ବ୍ୟୁରୋ): ଚଳନ୍ତା ଟ୍ରେନରେ ମହିଳାଙ୍କୁ ଦୁଷ୍କର୍ମ। ଲକ୍ଷ୍ନୌରୁ ମୁମ୍ବାଇ ଯାଉଥିବା ପୁଷ୍ପକ ଏକ୍ସପ୍ରେସରେ ଜଣେ ମହିଳା ଦୁଷ୍କର୍ମର ଶୀକାର ହୋଇଛନ୍ତି। ଶୁକ୍ରବାର ରାତି ପ୍ରାୟ ୮ଟାରେ ୮ ଜଣ ଲୁଟେରା ଇଗତପୁରୀ-କସାରା ଷ୍ଟେସନ ମଧ୍ୟରେ ଯାତ୍ରୀଙ୍କ ଠାରୁ ଲୁଟ୍ କରିଥିଲେ । ସ୍ଲିପର ବଗିରେ ଦୁବୃର୍ତ୍ତ ମାନେ ଚଢିବା ସହ ଲୁଟପାଟ୍ କରିଥିଲେ । ଏହି ସମୟରେ ସ୍ୱାମୀଙ୍କ ସହ ଯାତ୍ରା କରୁଥିବା ଜଣେ ୨୦ ବର୍ଷୀୟ ମହିଳାଙ୍କୁ ଗଣଦୁଷ୍କର୍ମ କରିଥିଲେ ।
କସାରାରେ ପହଞ୍ଚିବା ପରେ ଯାତ୍ରୀ ମାନେ ରେଳବାଇକୁ ସହାୟତା ମାଗିବା ପରେ ଜିଆରପି ସେମାନଙ୍କୁ ଗିରଫ କରିଛି । କଲ୍ୟାଣ ଥାନାରେ ଏନେଇ ମାମଲା ରୁଜୁ କରାଯିବା ପରେ ମୁମ୍ବାଇ ଜିଆରପି ଆଇପିସିର ଧାରା ୩୯୫,୩୯୭, ୩୭୬ (ଡି), ୩୫୪, ୩୫୪ (ବି) ଓ ଭାରତୀୟ ରେଲୱେ ଆକ୍ଟ ୩୭ ଏବଂ ୧୫୩ ଅଧିନରେ ମାମଲା ରେକର୍ଡ କରିଛି ।