କରୋନାରେ ପ୍ରାଣ ହରାଇଲେ ୧୦ ମାଓବାଦୀ

ମାଲକାନଗିରି(ବଡ଼ ଖବର ବ୍ୟୁରୋ): କରୋନାରେ ୧୦ ମାଓବାଦୀ ମୃତ । ଛତିଶଗଡ଼ର ଦନ୍ତେୱାଡା ଜିଲ୍ଲା ଦଣ୍ଡକାରଣ୍ୟ ଜଙ୍ଗଲରେ କରୋନାରେ ଆକ୍ରାନ୍ତ ହୋଇ ୧୦ ମାଓବାଦୀଙ୍କର ମୃତ୍ୟୁ ହୋଇଛି । ଦୁଇ ଦିନ ତଳେ ଏହି ମାଓବାଦୀଙ୍କ କରୋନା ଆକ୍ରାନ୍ତ ନେଇ ଏସପି ସୂଚନା ଦେଇଥିଲେ ।

ଏହାଛଡ଼ା ସମାଜର ମୁଖ୍ୟ ସ୍ରୋତକୁ ଫେରି ଆସିବା ଲାଗି ଆହ୍ୱାନ ମଧ୍ୟ ଦେଇଥିଲେ । କାରଣ ସେମାନଙ୍କ ପାଇଁ ଅନେକ ନିରୀହ ଅଦିବାସୀଙ୍କୁ ମଧ୍ୟ କରୋନା ହେବାରମ୍ଭାବନା ରହିଛି । ବର୍ତ୍ତମାନ ୪୦୦ରୁ ଅଧିକ ମାଓବାଦୀ କରୋନାରେ ଆକ୍ରାନ୍ତ ହୋଇଛନ୍ତି ବୋଲି ଦନ୍ତେୱାଡା ଏସପି କହିଛନ୍ତି । ଆକ୍ରାନ୍ତ ମାଓବାଦୀମାନେ ପୋଲିସ ନିକଟରେ ଆତ୍ମସମର୍ପଣ କଲେ ଚିକିତ୍ସା ସୁବିଧା ଯୋଗାଇ ଦିଆଯିବ ବୋଲି ଦାନ୍ତେୱାଡା ଏସପି କହିଛନ୍ତି ।