ବିଜେଡିର ମହା ମିଶ୍ରଣ ପର୍ବ, ଯୋଗ ଦେଲେ ୧୧୦୦ରୁ ଅଧିକ କର୍ମୀ

ଢେଙ୍କାନାଳ (ବଡ଼ ଖବର ବ୍ୟୁରୋ): ଗଣେଶ ବଜାର ଶ୍ରୀରାମ ମଣ୍ଡପ ଠାରେ ବିଜେଡିର ମହା ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ସହରର ୭, ୮, ୯, ୨୦, ୨୧ ଓ ୨୨ନଂ ୱାର୍ଡର ୧୧୦୦ରୁ ଉର୍ଦ୍ଧ ବିଜେପି ଓ କଂଗ୍ରେସ କର୍ମୀ ବିଜେଡିରେ ଯୋଗ ଦେଇଛନ୍ତି । ଜିଲ୍ଲା ବିଜେଡି ସଭାପତି ତଥା ପରଜଙ୍ଗ ବିଧାୟକ ଡ଼ଃ ନୃସିଂହ ଚରଣ ସାହୁଙ୍କ ଉପସ୍ଥିତିରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ମୁଖ୍ୟମନ୍ତ୍ରୀଙ୍କ ଆଦର୍ଶରେ ଅନୁପ୍ରାଣିତ ହୋଇ ଲୋକମାନେ ବିଜେଡି ସହିତ ସାମିଲ ହେବା ପାଇଁ ନିବେଦନ କରିଥିଲେ ଏବଂ ସେମାନଙ୍କୁ ଦଳରେ ସାମିଲ କରାଯାଇଥିବା ଶ୍ରୀଯୁକ୍ତ ସାହୁ କହିଛନ୍ତି ।

ବିଧାୟକ ସୁଧୀର କୁମାର ସାମଲଙ୍କ ଢେଙ୍କାନାଳ ସହରରେ ବହୁ ଉନ୍ନତି ମୂଳକ କାର୍ଯ୍ୟ କରାଯାଇଛି । ସହରର ରାସ୍ତା ଘାଟଠୁ ନେଇ ପୋଖରୀର ଉନ୍ନତୀକରଣ ଏବଂ ଯୁବକ ଓ ମହିଳାମାନଙ୍କୁ ଯେଉଁଭଳି ଦଳ ପ୍ରାଧାନ୍ୟ ଦେଉଛନ୍ତି ସେଥିପାଇଁ ଆଜି ବହୁ ଯୁବ ଓ ମହିଳା ଦଳରେ ଯୋଗ ଦେଇଛନ୍ତି ବୋଲି କହିଥିଲେ । କାର୍ଯ୍ୟକ୍ରମ ପୂର୍ବରୁ ସହର ମଧ୍ୟରେ ଏକ ବିରାଟ ପଟୁଆରରେ ବିନୋଦ ମହାନ୍ତିଙ୍କ ନେତୃତ୍ୱରେ ବହୁ ବିଜେପି କର୍ମୀ ଯୋଗଦେବାକୁ ଆସିଥିଲେ । ଏହି କାର୍ଯ୍ୟକ୍ରମରେ ସାଂସଦ ମହେଶ ସାହୁ, ମହିଳା ବିଜେଡି ସଭାପତି ସାଗରୀକା ମିଶ୍ର ଯୁବ ଓ ଛାତ୍ର ବିଜେଡିର ବହୁ କର୍ମକର୍ତ୍ତା ଉପସ୍ଥିତ ଥିଲେ । କାର୍ୟ୍ୟକ୍ରମକୁ ବିଜେଡି ସାଧାରଣ ସମ୍ପାଦକ ଦେବାଶିଷ ମିଶ୍ର ପରିଚାଳନା କରିଥିଲେ ।