ଡଙ୍ଗା ବୁଡ଼ି ୨ ଛୁଆ ମୃତ, ମା’ ନିଖୋଜ
ଦେବଗଡ଼ (ବଡ଼ ଖବର ବ୍ୟୁରୋ): ଡଙ୍ଗା ବୁଡ଼ି ୨ ଛୁଆ ମୃତ, ମା’ ନିଖୋଜ । ରେଙ୍ଗାଲି ଡ୍ୟାମ୍ରେ ମାଛ ଧରିବା ବେଳେ ବୁଡ଼ିଗଲା ଡଙ୍ଗା । କୁଣ୍ଢେଇଗୋଳା ଥାନା ତଲେଇସର ଡ୍ୟାମ୍ ନିକଟରେ ଘଟିଛି ଅଘଟଣ । ବାପା ମାଆ ୨ ଛୁଆକୁ ଧରି ମାଛ ଧରିବାକୁ ଆସିଥିଲେ ପରିବାର । ୨ ମୃତ ଶିଶୁଙ୍କ ମଧ୍ୟରେ ଜଣେ ୬ ବର୍ଷ ଓ ଅନ୍ୟଜଣେ ୩ ବର୍ଷର ଶିଶୁ ରହିଥିବା ଜଣାପଡ଼ିଛି । ତେବେ ଡଙ୍ଗା ବୁଡ଼ିବା ପରେ ବାପା ଗୋଟେ ପୁଅକୁ ଧରି କୂଳକୁ ଆସିଥିଲେ । କୂଳକୁ ଆସିବା ପରେ ପୁଅ ମୃତ ହୋଇଥିବା ଜାଣିପାରିଥିଲେ । ବିଳମ୍ବିତ ରାତିରେ ଡଙ୍ଗା ଓଲଟି ପଡ଼ିବାରୁ ଏଭଳି ଅଘଟଣ ଘଟିଥିବା କୁହାଯାଉଛି ।