ବୁଢ଼ାବଳଙ୍ଗରେ ବୁଡ଼ି ୨ ନାବାଳକ ମୃତ

ବାଲେଶ୍ୱର(ବଡ଼ ଖବର ବ୍ୟୁରୋ): ଗାଧୋଇଲା ବେଳେ ପାଣିରେ ବୁଡ଼ି ୨ ନାବାଳକ ମୃତ । ବାଲେଶ୍ୱର ବୁଢ଼ାବଳଙ୍ଗ ନଦୀରେ ବୁଡ଼ି ୨ ଭାଇଙ୍କ ମୃତ ହୋଇଛି । ଗାଧୋଇବା ବେଳେ ରେମୁଣା ପତୁକାଶାସନ ଗାଁରେ ଏହି ଅଘଟଣ ଘଟିଛି ।  ଦୁଇ ଭାଇ ଜଣ ଆଜି ୧୨ ଟା ସମୟରେ ନଇକୁ ଗାଧୋଇବାକୁ ଯାଇ ନଦୀର ଗଭୀର ଶ୍ରୋତରେ ଭାସି ଯାଇଥିଲେ । ସ୍ଥାନୀୟ ଲୋକେ ୨ ଭାଇଙ୍କୁ ଉଦ୍ଧାର କରି ବୈସିଙ୍ଗା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ଡାକ୍ତର ଉଭୟଙ୍କୁ ମୃତ ଘୋଷଣା କରିଛନ୍ତି । ବଡ଼ ଭାଇର ନାମ ବିକାଶ ପଣ୍ଡା ହୋଇଥିବା ବେଳେ ସାନ ଭାଇ ତୁଷାର ପଣ୍ଡା ବୋଲି ଜଣାପଡିଛି ।