୨୦ ବର୍ଷର ରେକର୍ଡ ଭାଙ୍ଗିଲା ବର୍ଷା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):  ରାଜଧାନୀ ଦିଲ୍ଲୀରେ ଚାରିଆଡ଼େ ବର୍ଷା, ବର୍ଷା ଖାଲି ବର୍ଷା । ବର୍ଷାକୁ ନେଇ ହିମାଞ୍ଚଳ, ଉତ୍ତରାଖଣ୍ଡ, ଜମ୍ମୁ-କାଶ୍ମୀର ଓ ରାଜସ୍ଥାନରେ ରେଡ୍ ଆଲର୍ଟ ଜାରି କରିଛି ପାଣିପାଗ ବିଭାଗ । ଦେଶରେ ମୌସୁମୀ ବର୍ଷା ଜାରି ରହିଛି । ଦିଲ୍ଲୀରେ ଗତ ୯ ଘଣ୍ଟାରେ ୧୨୬.୧ ମିଲିମିଟର ବର୍ଷା ରେକର୍ଡ ହୋଇଛି । ଦିଲ୍ଲୀରେ ଏତେ ବର୍ଷା ହୋଇଛି ୨୦ ବର୍ଷର ରେକର୍ଡ ଭାଙ୍ଗିଛି । ବର୍ଷାକୁ ନେଇ ହିମାଞ୍ଚଳର ୭ ଜିଲ୍ଲାକୁ ରେଡ୍ ଆଲର୍ଟ ଜାରି ହୋଇଛି । ଜମ୍ମୁର ବିଭିନ୍ନ ସ୍ଥାନ, ପୂର୍ବ ରାଜସ୍ଥାନ, ହରିୟାଣା, ଚଣ୍ଡିଗଡ଼, ଦିଲ୍ଲୀ ଓ ପଞ୍ଜାବରେ ବର୍ଷା ଜାରି ରିହଛି ।

କେରଳର କିଛି ସ୍ଥାନରେ ସକାଳୁ ବର୍ଷା ଜାରି ରହିଛି । ଦିଲ୍ଲୀର ରାଜରାସ୍ତାରେ ଲହଡି ମାରୁଛି ଆଣ୍ଠୁଏ ଉଚ୍ଚର ବର୍ଷା ଜଳ । ଲୋକ ଯାତାୟତରେ ବହୁ ଅସୁବିଧା ଭୋଗୁଛନ୍ତି । ଭୀଷଣ ବର୍ଷା ଓ ବନ୍ୟା ସ୍ଥିତି ଯୋଗୁ ରାଜସ୍ଥାନରେ ୪ କେରଳରେ ୮ଜଣଙ୍କ ମୃତ୍ୟୁ ହେଲାଣି । ଲଗାଣ ବର୍ଷାରେ ଜଳବନ୍ଦୀ ସ୍ଥିତି ଉପୁଜିଛି । କାର୍ ହେଉ କି ବସ୍ ପାଣି ଭିତରେ ପଶି ଯାଉଛି । ପ୍ରଗତି ମୈଦାନ ଟନେଲରେ ପଶିଛି ପାଣି । ସେପଟେ କେଦାରନାଥରେ ପ୍ରବଳ ବର୍ଷା ଯୋଗୁ ବିଭିନ୍ନ ସ୍ଥାନରେ ଭୂସ୍ଖଳନ ହୋଇଛି ।