ବ୍ରିଟେନରେ ପୁଣି ଲକଡାଉନ
ବ୍ରିଟେନ(ବଡ଼ ଖବର ବ୍ୟୁରୋ): ଚାରିଆଡେ କରୋନାର ପ୍ରକୋପ ଜାରି ରହିଛି । କିନ୍ତୁ ବ୍ରିଟେନରେ ନୂଆ ପ୍ରକାରର ଏକ କରୋନା ଭାଇରସ୍ ଦ୍ରୁତ ଗତିରେ ବ୍ୟାପିବାରେ ଲାଗିଛି । ଲଣ୍ଡନ ଏବଂ ଏହାର ଆଖପାଖ ଅଂଚଳରେ କରୋନାର ନୂଆ ପ୍ରକାର ଭାଇରସ୍ ଦ୍ରୁତ ଗତିରେ ବ୍ୟାପୁଥିବାରୁ ବ୍ରିଟେନ୍ ପ୍ରଧାନମନ୍ତ୍ରୀ ବୋରିସ୍ ଜନସନ ଦେଶବ୍ୟାପି ଲକଡାଉନ ଜାରି କରିଛନ୍ତି । ଏହି କଟକଣା ଡିସେମ୍ବର ୩୦ ପର୍ଯ୍ୟନ୍ତ ଜାରି ରହିବ । ଏଥି ସହିତ ଖ୍ରୀଷ୍ଟମାସ ସମୟରେ କୋହଳ କରାଯାଇଥିବା କଟକଣାକୁ ମଧ୍ୟ ବାତିଲ କରାଯାଇଛି ।
We are sacrificing our chance to see loved ones this Christmas, so we have a better chance of protecting their lives so we can see them at future Christmases. (3/3)
— Boris Johnson (@BorisJohnson) December 19, 2020
ବ୍ରିଟେନ୍ ପ୍ରଧାନମନ୍ତ୍ରୀ ଟୁଇଟରେ କହିଛନ୍ତି, କରୋନାର ଏହି ନୂଆ ପ୍ରଭାବ ସମ୍ପର୍କରେ ଏ ପର୍ଯ୍ୟନ୍ତ ଅଧିକ ସୂଚନା ମିଳିପାରିନାହିଁ । ନୂଆ ଭୂତାଣୁ ପ୍ରକୃତ ଭୂତାଣୁ ଅପେକ୍ଷା କମ୍ ମାରାତ୍ମକ କିମ୍ବା ଅଧିକ, ଏହା ଉପରେ ଟିକା କେତେ ପରିମାଣରେ ପ୍ରଭାବଶାଳୀ ତାହା ଜଣାପଡିନାହିଁ । ତେଣୁ ସତର୍କତା ଆବଶ୍ୟକ ବୋଲି ପ୍ରଧାନମନ୍ତ୍ରୀ ବୋରିସ୍ ଜନସନ ଟୁଇଟ୍ କରି କହିଛନ୍ତି ।