ନୃଶଂସ ସ୍ୱାମୀର ବର୍ବରକାଣ୍ଡ
କୋଇଡ଼ା (ବଡ଼ ଖବର ବ୍ୟୁରୋ): ହତ୍ୟା ର ପେଣ୍ଠସ୍ଥଳି ପାଲଟିଛି କୋଇଡ଼ା । ପୁଣି ପାରିବାରିକ କଳହ ଯୋଗୁଁ କରୁଣ ପରିଣତି । ଠେଙ୍ଗା ରେ ପିଟି ସ୍ତ୍ରୀ କୁ ହତ୍ୟା କଲା ସ୍ୱାମୀ । ବେସାହାରା ସାତ ବର୍ଷର କୁନି ଜୀବନ । ଶିକ୍ଷା ଓ ସଚେତନତା ଅଭାବରୁ ବାରମ୍ବାର ଗଡୁଛି ମୁଣ୍ଡ । ସୁନ୍ଦରଗଡ ଜିଲ୍ଲା କୋଇଡା ବ୍ଲକର ମାଲଦା ପଞ୍ଚାୟତ ଦଳିତା ଗ୍ରାମରେ ପାରିବାରିକ କଳହ ଯୋଗୁଁ ସ୍ୱାମୀ ରମେଶ ମୁଣ୍ତା ନିଜ ସ୍ତ୍ରୀ ଜପ ମୁଣ୍ତାକୁ ଠେଙ୍ଗା ରେ ପିଟି ପିଟି ହତ୍ୟା କରିଥିଲେ । ହତ୍ୟା ସମ୍ପର୍କରେ ଗ୍ରାମ ବାସୀ ଓ ସରପଞ୍ଚ କୋଇଡା ପୋଲିସକୁ ଘଟଣା ସମ୍ପର୍କରେ ଅବଗତ କରିଥିଲେ ।
ଘଟଣାସ୍ଥଳରେ ପୋଲିସ ସମେତ ସାଇଣ୍ଟିଫିକ୍ ଟିମ ପହଞ୍ଚି ଘଟଣାର ତଦନ୍ତ ଆରମ୍ଭ କରି ଶବ ଉଦ୍ଧାର କରିଥିବାବେଳେ ରମେଶକୁ ପୋଲିସ ଅଟକ ରହିଥିବା ଜଣାପଡିଛି । ଅନ୍ୟ ପଟେ ପରିବାରର ସାତ କୁନି ଶିଶୁ ଅସହାୟ ହୋଇ ପଡିଛନ୍ତି । ସ୍ଥାନୀୟ ପ୍ରସାଶନଙ୍କୁ ଶୀଘ୍ର ଶିଶୁଙ୍କ ଥଇଥାନ କରିବାକୁ ଗ୍ରାମବାସୀ ଅନୁରୋଧ କରିଛନ୍ତି । ସୂଚନାଯୋଗ୍ୟ, କୋଇଡା ଅଂଚଳରେ ବିଗତ ୨ ବର୍ଷ ମଧ୍ୟରେ ପାରିବାରିକ କହଳ ଯୋଗୁଁ ବହୁ ହିଂସାକାଣ୍ଡ ଦେଖିବାକୁ ମିଳିଛି।