ଗରମ ସହିନପାରି ୩୨ ଛାତ୍ରୀ ଅସୁସ୍ଥ

କୋଇଡା(ବଡ଼ ଖବର ବ୍ୟୁରୋ): ଗରମ ସହିନପାରି ୩୨ ଛାତ୍ରୀ ଅସୁସ୍ଥ । କୋଇଡା ବ୍ଲକ୍ ସୋୟମ୍ବା ପଞ୍ଚାୟତ ସୋୟମ୍ବା ଆବାସିକ ଛାତ୍ରୀ ବିଦ୍ୟାଳୟର ଛାତ୍ରୀମାନେ ବୁଧବାର ବାସି ପଖାଳ ଏବଂ ଭଜା ଖାଇଥିଲେ । ମାତ୍ର ଅତ୍ୟଧିକ ଗରମ ଯୋଗୁଁ ଛାତ୍ରୀମାନଙ୍କ ପେଟ ଖରାପ ହୋଇ ବାରମ୍ବାର ଝାଡ଼ା ହୋଇଥିଲା । ବିଦ୍ୟାଳୟ କର୍ତ୍ତୃପକ୍ଷ ସଙ୍ଗେ ସଙ୍ଗେ ଅସୁସ୍ଥ ଛାତ୍ରୀମାନଙ୍କୁ କେ ବଲାଙ୍ଗ ସ୍ଵାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ ।

ସ୍ୱାସ୍ଥ୍ୟକେନ୍ଦ୍ର ଅଧିକାରୀ ଡାକ୍ତର ସନତ କୁମାର ପଶୁପାଳକ କହିଛନ୍ତି ଛାତ୍ରୀମାନଙ୍କ ରୁମରେ ଉପଯୁକ୍ତ ଭେଣ୍ଟିଲେସନ ନଥିବାରୁ ସମସ୍ତ ଛାତ୍ରୀ ଡିହାଇଡ୍ରେସନ ଯୋଗୁ ଅସୁସ୍ଥ ହୋଇପଡିଛନ୍ତି । ସେଥିପାଇଁ ତୁରନ୍ତ ୭ ଟି କୁଲର ବ୍ୟବସ୍ଥା କରାଯାଇଛି । ସମସ୍ତ ଛାତ୍ରୀଙ୍କ ଚିକିତ୍ସା ଚାଲିଛି । କୋଭିଡ ଟେଷ୍ଟ ମଧ୍ୟ କରାଯାଇଛି ।