‘ଓବିସି ଜନ ଜାଗରଣ ଯାତ୍ରା’, ରାଜ୍ୟ ସାରା ବୁଲିବ ପ୍ରଚାର ରଥ

ଭୁବନେଶ୍ୱର (ବଡ଼ ଖବର ବ୍ୟୁରୋ): କାଲିଠୁ ‘ଓବିସି ଜନ ଜାଗରଣ ଯାତ୍ରା’ କରିବ ଓବିସି ମୋର୍ଚ୍ଚ । ଢେଙ୍କାନାଳଠାରୁ ଯାତ୍ରା ଆରମ୍ଭ ହେବ । ସ୍ୱତନ୍ତ୍ର ଜନ ଜାଗରଣ ପ୍ରଚାର ରଥ ରାଜ୍ୟ ସାରା ବୁଲିବ । ପୋଷ୍ଟର, ଲିଫ ଲେଟ୍, କ୍ୟାସେଟ ମାଧ୍ୟମରେ ପ୍ରଚାର କରିବ ବିଜେପି । ସବୁ ନିର୍ବାଚନ ମଣ୍ଡଳୀରେ ପହଞ୍ଚି ସାରିବା ପରେ ଶେଷ ହେବ ଯାତ୍ରା । ରାଜ୍ୟ ସରକାର ୫୪ ପ୍ରତିଶତ ଲୋକଙ୍କ ସାମ୍ବିଧାନିକ ଅଧିକାରରୁ ବଞ୍ଚିତ କରୁଥିବା ବିଜେପି ଅଭିଯୋଗ କରିଛି ।

ପଛୁଆ ବର୍ଗଙ୍କୁ ଶିକ୍ଷା ଓ ନିଯୁକ୍ତି କ୍ଷେତ୍ରରେ ୨୭ ପ୍ରତିଶତ ସଂରକ୍ଷଣ ମିଳୁନାହିଁ ବୋଲି ପ୍ରଚାର କରିବ ଓବିସି ମୋର୍ଚ୍ଚା । ସାମ୍ବାଦିକ ସମ୍ମିଳନୀ ମାଧ୍ୟମରେ ଏ ନେଇ ଘୋଷଣା କରିଛି ବିଜେପି ଓବିସି ମୋର୍ଚ୍ଚା । ଏହି ଅବସରରେ ପୋଷ୍ଟର ଲିଫଲେଟ୍, ଏବଂ ଅଡିଓ ରିଲିଜ୍ କରିଛି ବିଜେପି ।