ଲକ୍ଷ୍ନୌ(ବଡ଼ ଖବର ବ୍ୟୁରୋ) : ଲଖିମପୁର ହିଂସାକାଣ୍ଡ ଘଟଣାରେ ଗତକାଲି କେନ୍ଦ୍ରମନ୍ତ୍ରୀଙ୍କ ପୁଅ ଗିରଫ ହୋଇଥିଲେ । ତେବେ ଆଜି କେନ୍ଦ୍ରମନ୍ତ୍ରୀ ଅଜୟ ମିଶ୍ରାଙ୍କ ପୁଅ ଆଶିଷ ମିଶ୍ରାଙ୍କୁ ୧୪ ଦିନଆ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ଗତ ଶନିବାର ୧୨ ଘଣ୍ଡା ଧରି ଜେରା କରିବା ପରେ କ୍ରାଇମବ୍ରାଞ୍ଚ ଆଶିଷଙ୍କୁ ଗିରଫ କରିଥିଲା । ପରେ କୋର୍ଟରେ ହାଜର ମଧ୍ୟ କରାଯାଇଥିଲା । କୋର୍ଟ ତାଙ୍କୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇଛନ୍ତି । ଆଶିଷ ମିଶ୍ରାଙ୍କୁ ଲଖିମପୁର ଖେରି ଜେଲରେ ରଖାଯାଇଛି ।
ତେବେ ସେପଟେ ତଦନ୍ତକାରୀ ଅଧିକାରୀ କହିଛନ୍ତି ଯେ, ଆଶିଷଙ୍କୁ ରିମାଣ୍ଡରେ ନେବା ପାଇଁ ପୋଲିସ କୋର୍ଟରେ ଆବେଦନ କରିଥିଲା ।ସୂଚନା ଅନୁଯାୟୀ ଡିଆଇଜି ଉପେନ୍ଦ୍ର ଅଗ୍ରାୱାଲ ଶନିବାର ପ୍ରାୟ ୧୧ଟାରେ ଆଶିଷ ମିଶ୍ରା ଗିରଫ ହୋଇଥିବା ନେଇ ସୂଚନା ଦେଇଥିଲେ । ତେବେ ଆଶିଷଙ୍କୁ ପ୍ରଶ୍ନ ପଚାଉଚରା ବେଳେ ସେ କୌଣସି ପ୍ରଶ୍ନର ଠିକ ଜବାବ ଦେଇ ପାରିନଥିଲେ । ତାଙ୍କୁ ୪୦ରୁ ଅଧିକ ପ୍ରଶ୍ନ ପଚରାଯାଇଥିବା ବେଳେ ସେ ଏହାର ସଠିକ ଜବାବ ଦେଇ ଲଥିଲେ । ପୋଲିସର ସୂଚନା ଅନୁଯାୟୀ ଆଶିଷ ଅନେକ ପ୍ରଶ୍ନକୁ ଏଡାଇ ଦେଇଥିଲେ ।
