![](https://i0.wp.com/badakhabar.in/wp-content/uploads/2021/09/krishna-nagar-1630814713.jpg?fit=715%2C401&ssl=1)
ଚଳିତ ଟୋକିଓ ପାରାଲିମ୍ପିକ୍ସରେ ଭାରତକୁ ପଞ୍ଚମ ସ୍ୱର୍ଣ୍ଣ ପଦକ ହାସଲ ହୋଇଛି । ପାରାଲିମ୍ପିକ୍ସରେ ଭାରତକୁ ସଫଳତା ପରେ ସଫଳତା ମିଳି ଚାଲିଛି । ଆଉ ଆଜି ଭାରତ ପାଇଁ ସ୍ୱର୍ଣ୍ଣ ପଦକ ଜିତିଛନ୍ତି ୨୨ ବର୍ଷୀୟ ବ୍ୟାଡମିଣ୍ଟନ ଖେଳାଳି କୃଷ୍ଣ ନାଗର । ଏସଏଚ୍ ବର୍ଗରେ ସେ ଏହି ପଦକ ଜିତିଛନ୍ତି । ବ୍ୟାଡମିଣ୍ଟନରେ ଭାରତ ପାଇଁ ଏହା ହେଉଛି ଦ୍ୱିତୀୟ ସ୍ୱର୍ଣ୍ଣ ପଦକ । ଗତକାଲି ଓଡିଆ ପୁଅ ପ୍ରମୋଦ ଭଗତ ବ୍ୟାଡମିଣ୍ଟନ ପୁରୁଷ ସିଙ୍ଗିସ୍ଲ ଏସଏଲ୍ ୩ ବର୍ଗରେ ଦେଶ ପାଇଁ ସ୍ୱର୍ଣ୍ଣ ଜିତି ସ୍ୱର୍ଣ୍ଣିମ ଇତିହାସ ରଚିଥିଲେ ।
ଆଉ ଆଜି ୨୨ ବର୍ଷୀୟ ବ୍ୟାଡମିଣ୍ଟନ ପ୍ଲେୟର କୃଷ୍ଣ ନାଗର ଭାରତ ପାଇଁ ସ୍ୱର୍ଣ୍ଣ ଜିତି ଭାରତ ପାଇଁ ଗୌରବ ଆଣିଛନ୍ତି । ଫାଇନାଲରେ କୃଷ୍ଣଙ୍କ ମୁକାବିଲା ହଂକଂର ମାନ୍ କାଇ ଚୁଙ୍କ ସହିତ ହୋଇଥିଲା । ଏହି ଖେଳ ଶେଷ ହେବା ପାଇଁ ୪୩ ମିନିଟ୍ ଲାଗିଥିଲା । ଏହି ମ୍ୟାଚକୁ ୨୧-୧୭,୧୬-୨୧ଓ ୨୧-୧୭ ଗେମରେ ଜିତିଥିଲେ ସ୍ୱର୍ଣ୍ଣ । ଗତକାଲି ସେମିଫାଇନାଲରେ ଗ୍ରେଟ ବ୍ରିଟେନର କ୍ରାୟଷ୍ଟେନ କୋମ୍ବସଙ୍କୁ ୨୧-୧୦ ଓ ୨୧-୧୧ ରେ ହରାଇ ପ୍ରବେଶ କରିଥିଲେ ଫାଇନାଲରେ । ଏହା ପରେ ଆଉ ଏକ ପଦକ ପକ୍କା କରିଥିଲେ କୃଷ୍ଣ । କୃଷ୍ଣଙ୍କ ପୂର୍ବରୁ ଯୁବ ଆଇଏଏସ୍ ଅଫିସର୍ ସୁହାସ ୟାଥିରାଜ ରୌପ୍ୟ ପଦକ ଜିତିଥିଲେ । ସେ ଫାଇନାଲରେ ଫ୍ରାନ୍ସର ମଜୁରଙ୍କ ଠାରୁ ୨୧-୧୫,୧୭-୨୧ଓ୧୫-୨୧ ଗେମରେ ହାରି ରୋପ୍ୟ ଜିତିଥିଲେ।
କୃଷ୍ଣଙ୍କ ସ୍ୱର୍ଣ୍ଣ ପଦକ ସହିତ ଟୋକିଓ ପାରାଲିମ୍ପିକ୍ସରେ ଭାରତକୁ ଏଯାବତ୍ ୧୯ ଟି ପଦକ ହାସଲ ହୋଇଛି । ଏହା ମଧ୍ୟରେ ୫ ଟି ସ୍ୱର୍ଣ୍ଣ,୮ଟି ରୋପ୍ୟ ସହିତ ୬ ଟି ବ୍ରୋଞ୍ଚ ପଦକ ରହିଛି । ଏଥି ମଧ୍ୟରୁ କେବଳ ବ୍ୟାଡମିଣ୍ଟନରେ ୪ ଟି ପଦକ ମିଳିଛି । ଦୁଇଟି ସ୍ୱ୍ର୍ଣ୍ଣ କୃଷ୍ଣ ଓ ଭଗତ ଜିତିଛନ୍ତି । ସେହିପରି ପୁରୁଷ ପିସ୍ତଲ