ମଧ୍ୟବର୍ତ୍ତୀ ସରକାର ଘୋଷଣା କଲା ତାଲିବାନ; ମହମ୍ମଦ ହାସନ ହେଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ତାଲିବାନ ନିଜର ସରକାରରେ ଥିବା ସଦସ୍ୟଙ୍କ ଘୋଷଣା କରିଛି । ଏନେଇ ତାଲିବାନ ମୁଖପାତ୍ର ଜାବିହୁଲ୍ଲା ମୁଜାହିଦ ସୂଚନା ଦେଇଛନ୍ତି । ତେବେ ମହମ୍ମଦ ହାସନ ଅଖଣ୍ଡ ପ୍ରଧାନମନ୍ତ୍ରୀ ହେବା ସହ ଦଳର ସହ-ପ୍ରତିଷ୍ଠାତା ଅବଦୁଲ ଘାନି ବାରାଦର ଡ଼େୁପଟି ପ୍ରଧାନମନ୍ତ୍ରୀ ହୋଇଛନ୍ତି ।

ସେହିପରି ତାଲିବାନର ଡ଼େପୁଟି ନେତା ସିରାଜୁଦ୍ଦିନ ହକ୍କାନି କାର୍ଯ୍ୟକାରୀ ଅଭ୍ୟନ୍ତରୀଣ ମନ୍ତ୍ରୀ, ଅମୀର ଖାନ ମୁଟ୍ଟାକି କାର୍ଯ୍ୟକାରୀ ବୈଦେଶିକ ମନ୍ତ୍ରୀ, ରାଜନୈତିକ ମୁଖ୍ୟ ଶେର ମହମ୍ମଦ ଅଽାସ ଷ୍ଟାନିକଜାଇ କାର୍ଯ୍ୟନିର୍ବାହୀ ଡ଼େପୁଟି ବୈଦେଶିକ ମନ୍ତ୍ରୀ ଏବଂ ମଲ୍ଲିକା ୟାକୁବ କାର୍ଯ୍ୟକାରୀ ପ୍ରତିରକ୍ଷା ମନ୍ତ୍ରୀ ହେବେ ବୋଲି ତାଲିବାନ ମୁଖପାତ୍ର ଜାବିହୁଲ୍ଲା ମୁଜାହିଦ ଏକ ସମ୍ବାଦିକ ସମ୍ମିଳନୀରେ ଘୋଷଣା କରିଛନ୍ତି । ଅନ୍ୟପଟେ ଖୁବଶୀଘ୍ର ଅନ୍ୟାନ୍ୟ ମନ୍ତ୍ରଣାଳୟର ମୁଖ୍ୟମାନଙ୍କୁ ନିଯୁକ୍ତି ଦିଆଯିବ ବୋଲି ମୁଜାହିଦ କହିଛନ୍ତି ।