ପୁରୀରୁ ଭୁବନେଶ୍ୱର ଚାଲିଚାଲି ଅଚେତ ହେଲେ କୋଭିଡ ଯୋଦ୍ଧା
ପିପିଲି( ବଡ଼ ଖବର ବ୍ୟୁରୋ ): ପୁରୀରୁ ଭୁବନେଶ୍ୱର ଚାଲିଚାଲି ଅଚେତ ହେଲେ କୋଭିଡ୍ ଯୋଦ୍ଧା । ସାରା ବିଶ୍ୱରେ କରୋନା ମହାମାରୀ ଆତଙ୍କ ଦିନକୁ ଦିନ ବଢିବାରେ ଲାଗିଛି । ଏହି ସମୟରେ ନିଜ ପରିବାରକୁ ପଛରେ ପକାଇ କରୋନା ମହାମାରୀ ସହ ଲଢ଼ିଥିଲେ ସ୍ଵାସ୍ଥ୍ୟ କର୍ମୀ । ପ୍ରଥମ ଲହରଠାରୁ ଆରମ୍ଭ କରି ଦ୍ୱିତୀୟ ଲହର ପର୍ଯ୍ୟନ୍ତ କୋଭିଡ ମୁକାବିଲା କରିଥିଲେ ପାରା ମେଡିକାଲର ସ୍ଵାସ୍ଥ୍ୟ କର୍ମୀ । କିନ୍ତୁ ଆଜି ସରକାରଙ୍କ ପାଇଁ ଆଲୋଡ଼ା ହୋଇଯାଇଛନ୍ତି ଆଗ ଧାଡ଼ିର ସ୍ଵାସ୍ଥ୍ୟ କର୍ମୀ ।
ତେବେ ନିଜ ହକ ପାଇଁ ଦୀର୍ଘ ଦିନ ଧରି ପିଏମଜିର ରାଜରାସ୍ତାରେ ବସିଥିଲେ ମଧ୍ୟ କିଛି ସୁଫଳ ମିଳିନଥିଲା । ସେଥିପାଇଁ ଆଜି ମହାପ୍ରଭୁ ଜଗନ୍ନାଥ ନିକଟରୁ ଆଜ୍ଞା ମାଳ ଓ ମହାପ୍ରସାଦ ଧରି ମୁଖ୍ୟମନ୍ତ୍ରୀଙ୍କୁ ଭେଟିବା ପାଇଁ ପୁରୀରୁ ନବୀନ ନିବାସ ଅଭିମୁଖେ ଜୟ ଜଗନ୍ନାଥ କୋଭିଡ ୧୯ ମହାସଂଘ ପକ୍ଷରୁ ପଦଯାତ୍ରା ଆରମ୍ଭ କରିଥିଲେ । ତୃତୀୟ ଦିନରେ ଆଜି ପିପିଲିର ମଙ୍ଗଳପୁର ଠାରୁ ନବୀନ ନିବାସ ଅଭିମୁଖେ ଯାତ୍ରା ଆରମ୍ଭ କରଥିଲେ ସଂଗଠନ ।
