ବଲାଙ୍ଗିର ଗସ୍ତରେ କେନ୍ଦ୍ର ରେଳମନ୍ତ୍ରୀ

ବଲାଙ୍ଗିର (ବଡ଼ ଖବର ବ୍ୟୁରୋ): ବଲାଙ୍ଗିର ଗସ୍ତରେ କେନ୍ଦ୍ର ରେଳମନ୍ତ୍ରୀ ଅଶ୍ବିନୀ ବୈଷ୍ଣବ । କଳାହାଣ୍ଡି ଜିଲ୍ଲାରୁ ଜନ ଆଶୀର୍ବାଦ ଯାତ୍ରା ଶେଷ ପରେ ରବିବାର ବଲାଙ୍ଗିର ଜିଲ୍ଲା ଗସ୍ତ କରିବେ ରେଳମନ୍ତ୍ରୀ । ଏଥିପାଇଁ ବଲାଙ୍ଗିର ଜିଲ୍ଲା ବିଜେପି ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି । ବଲାଙ୍ଗିର ରେଳ ଷ୍ଟେସନକୁ ନୂଆ ରୂପରେ ସଜ୍ଜା ଯାଇଛି। ତେବେ ସକାଳ ୧୦ ଟାରେ କଳାହାଣ୍ଡି ଜିଲ୍ଲା କେସିଙ୍ଗା ଠାରୁ ବାହାରିବା ସହ ସେ ଟିଟିଲାଗଡ ଠାରେ ପହଞ୍ଚିବେ ।

ସେଠାରେ ଅଧ କିଲୋମିଟର ରୋଡ ସୋ ପରେ କଣ୍ଟାବାଞ୍ଜିରେ ପହଞ୍ଚିବେ ମନ୍ତ୍ରୀ । ସେଠାରେ ଦିନ ଗୋଟାଏ ପର୍ଯ୍ୟନ୍ତ ରହିବା ସହ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବେ । ଏହାପରେ ଅପରାହ୍ନ ୪ ଟାରେ ବଲାଙ୍ଗିରରେ ପହଞ୍ଚିବେ । ସେଠାରେ ରୋଡ ସୋ କରିବା ପରେ ଏକ ସମ୍ବର୍ଦ୍ଦନା ସଭାରେ ଯୋଗ ଦେବେ । ପରେ ଅପରାହ୍ନ ସାଢେ ୫ଟାରେ ବଲାଙ୍ଗିର ସର୍କିଟ ହାଉସ ଠାରେ ସାମ୍ବାଦିକ ସମ୍ବିଳନିରେ ଯୋଗ ଦେବେ କେନ୍ଦ୍ରମନ୍ତ୍ରୀ ।