ସିଂହବାହିନୀ ବେଶରେ ମା’ ଭଦ୍ରକାଳୀ

ଭଦ୍ରକ (ବଡ଼ ଖବର ବ୍ୟୁରୋ): ମା’ ଭଦ୍ରକାଳୀଙ୍କ ପୂଜାର ଆଜି ହେଉଛି ଚତୁର୍ଥ ଦିନ । ମା’ଙ୍କ ପୂଜା ଉପଲକ୍ଷେ ସପ୍ତମ ଦିବସ ବ୍ୟାପୀ ମହାଯଜ୍ଞର ଚତୁର୍ଥ ଦିବସରେ ଭଦ୍ରକର ଅଧିଷ୍ଠାତ୍ରୀ ଦେବୀ ମା’ ଭଦ୍ରକାଳୀ ଆଜି “ସିଂହବାହିନୀ’ ବେଶରେ ପୂଜା ପାଉଛନ୍ତି। କୋଭିଡ କଟକଣା ଯୋଗୁ ଭକ୍ତମାନଙ୍କ ପାଇଁ ମା’ଙ୍କ ଦର୍ଶନ ନିମନ୍ତେ ପ୍ରଶାସନ ତରଫରୁ କଟକଣା ଲାଗୁ କରାଯାଇଛି। ମା’ଙ୍କୁ ଆଜି ପୀଠରେ ଦୁର୍ଗତିନାଶିନୀ ସିଂହବାହିନୀ ବେଶରେ ପୂଜା କରାଯାଇଛି। ମା’ଙ୍କ ବାହନ ସିଂହ ହୋଇଥିବାବେଳେ ନାଲିପାଟ ବସ୍ତ୍ର ପରିଧାନ କରି ସ୍ୱର୍ଣ୍ଣ ଓ ରୌପ୍ୟ ଅଳଙ୍କାରରେ ଭୂଷିତ ହୋଇଛନ୍ତି ମା’। ଚାରି ହସ୍ତରେ ଖଡ୍ଗ, ତ୍ରିଶୂଳ, ଶଙ୍ଖ, ଚକ୍ର ଧାରଣ କରି ଚତୁର୍ଦ୍ଧା ମୂର୍ତ୍ତିରେ ପ୍ରକଟ ହୋଇଛନ୍ତି ମା’। ମା’ଙ୍କୁ ଏହି ବେଶରେ ଦର୍ଶନ କଲେ ଭକ୍ତଙ୍କର ଗ୍ରହଦଶା, ରିଷ୍ଠ ଖଣ୍ଡନ ତଥା ସମସ୍ତ ବିପଦ ଦୂର ହୁଏ ବୋଲି ବିଶ୍ୱାସ ରହିଛି।