ଓଡ଼ିଶାକୁ ବଞ୍ଚାଇବା ଦାୟିତ୍ୱ କାହାର?
ବରଗଡ଼ (ବଡ଼ ଖବର ବ୍ୟୁରୋ): କନ୍ଧମାଳ ଓ ବଲାଙ୍ଗିର ପରେ ବରଗଡ଼ ପହଞ୍ଚିଲେ । ଏନ୍ଡିଏ ୪ଶହ ପାର୍ ଏଠାରୁ ସଫା ସଫା ଦିଶୁଛି । କଂଗ୍ରେସ ମାନ୍ୟ ବିପକ୍ଷ ବି ହୋଇପାରିବନି ସ୍ପଷ୍ଟ ଦିଶୁଛି । ବିଜେଡି ସରକାର ଏଠାରେ ବିକାଶ କାର୍ଯ୍ୟରେ ବିଫଳ ହୋଇଛି । ବିଜେଡି ସରକାର କିଏ ଚଳାଉଛି ପଚାରିଲେ ପ୍ରଧାନମନ୍ତ୍ରୀ । ବରଗଡ଼ ସଭାରେ ଆରମ୍ଭରୁ ହମଲା କଲେ ମୋଦି । ୨୫ ବର୍ଷ ଭିତରେ ବିଜେଡି ସରକାର ଗରିବୀରୁ ବାହାରକୁ ଆଣିପାରିନି । ସାରା ଓଡ଼ିଶାରେ ବିଜେଡି ପ୍ରତି ଲୋକଙ୍କ ପ୍ରବଳ ରାଗ ରହିଛି ।
ଲୋକ କହୁଛନ୍ତି- ଆଉ କେତେ ଦିନ ସହିବ ଓଡ଼ିଶା । ଓଡ଼ିଶାରେ ସରକାର ପୂରା ଆଉଟ ସୋର୍ସ ହୋଇଯାଇଛି । ମୁଖ୍ୟମନ୍ତ୍ରୀଙ୍କ ଉପରେ ଜଣେ ସୁପର ସିଏମ୍ ହୋଇଗଲେଣି । ଯିଏ ଓଡ଼ିଶାକୁ ଜାଣଇନି, ତା ହାତକୁ ଓଡ଼ିଶା ଯିବା ଉଚିତ କି । ଓଡ଼ିଶାକୁ ବଞ୍ଚାଇବା ଦାୟିତ୍ବ କାହାର ପଚାରିଲେ ପ୍ରଧାନମନ୍ତ୍ରୀ । ମୋ ଓଡ଼ିଶାକୁ ବଞ୍ଚାଇବାକୁ ଆପଣମାନଙ୍କୁ ପ୍ରାର୍ଥନା କରୁଛି । ଅପାର ପ୍ରାକୃତିକ ସଂପଦରେ ପରିପୂର୍ଣ୍ଣ ଓଡ଼ିଶା ଗରିବ କାହିଁକି । ଏହାର କାରଣ ସରକାର ନିର୍ବାଚିତ ଲୋକ ଚଳାଉ ନାହାନ୍ତି । ସରକାର ପରିଚାଳନା କାର୍ଯ୍ୟ ଆଉଟସୋର୍ସ ହୋଇଯାଇଛି ।