ଅନିୟମିତତାର ତଦନ୍ତ ଦାବି କରୁଛନ୍ତି ସରପଞ୍ଚ

ବଡ଼ମ୍ବା(ବଡ଼ ଖବର ବ୍ୟୁରୋ) : ବଡ଼ମ୍ବା ବ୍ଳକ କୋଲେଶ୍ୱର ପଞ୍ଚାୟତରେ ବିଜେଡି ନେତା ସନ୍ତୋଷ କୁମାର ମିଶ୍ର ଓ ତାଙ୍କ ସ୍ତ୍ରୀ ତଥା ସୁନାପାଳ ଅଙ୍ଗନବାଡ଼ି କର୍ମୀ ଭବାନୀ ମିଶ୍ରଙ୍କ ବେଆଇନ କାର୍ଯ୍ୟ, ଅନିୟମିତତା ଓ ସରକାରୀ ଅର୍ଥ ଆତ୍ମସାତର ତଦନ୍ତ ସହ କାର୍ଯ୍ୟାନୁଷ୍ଠାନ ଦାବି କରିଛନ୍ତି ସ୍ଥାନୀୟ ଲୋକ ।ଏଥିନିମନ୍ତେ ସରପଞ୍ଚ ଅମୀୟ ପାଣିଗ୍ରାହୀ କାଲି ବ୍ଳକ ଅଫିସ୍ ସମ୍ମୁଖରେ ଧାରଣା ଦେଇଛନ୍ତି । ଦୀର୍ଘ ୧୦ ବର୍ଷ ହେଲା ସମ୍ପୃକ୍ତ ବ୍ୟକ୍ତି ସମବାୟ ସମିତିର ସଭାପତି ପଦରେ ଥିଲେ । ଶାସକ ଦଳର କ୍ଷମତାକୁ ଦୂରୁପଯୋଗ କରି ସେ ପଂଚାୟତରେ ବହୁ ଦୁର୍ନୀତି କରିଚାଲିଛନ୍ତି ।ଏହି ଅନିୟମିତତାର ଉଚ୍ଚସ୍ତରୀୟ ତଦନ୍ତ ଦାବିରେ ଧାରଣାରେ ବସିଛନ୍ତି ସରପଞ୍ଚ ଅମୀୟ ପାଣିଗ୍ରାହୀ ।