୮ ଡକାୟତ ଗିରଫ, ମାରଣାସ୍ତ୍ର ସହ ଗୁଳି ଜବତ
ଆସିକା(ବଡ଼ ଖବର ବ୍ୟୁରୋ): ଗଞ୍ଜାମ ଜିଲ୍ଲା ଆସିକା ପୋଲିସକୁ ମିଳିଛି ବଡ଼ ଧରଣର ସଫଳତା । ୮ ଡକାୟତ ଗିରଫ ହୋଇଥିବା ବେଳେ ସେମାନଙ୍କ ନିକଟରୁ ଜବତ ହୋଇଛି ବହୁ ମାରଣାସ୍ତ୍ର । ୧୦ ମାଉଜର, ୫୩ ରାଉଣ୍ଡ ଗୁଳି, ୧୨ ବୋମା ସହ ୪ ବାଇକ ପୋଲିସ ଜବତ କରିଛି । ଆସିକା, ଧରାକୋଟ, ବଡଗଡ଼ ଓ ଗାଙ୍ଗପୁର ଥାନା ଅଞ୍ଚଳକୁ ଅପରାଧମୁକ୍ତ କରିବା ପାଇଁ ପୋଲିସ ପକ୍ଷରୁ ଏକ ଟିମ୍ ଗଠନ କରାଯାଇଛି । ଏହି ଟିମ୍ ଅପରାଧୀଙ୍କ ଉପରେ ନଜର ରଖିଛି । ଅପରାଧ ଛାଡି ସମାଜର ମୁଖ୍ୟସ୍ରୋତରେ ସାମିଲ୍ ହେବା ପାଇଁ ଅତିରିକ୍ତ ଏସପି ବିଜୟ କୁମାର ମଲ୍ଲିକ ଆହ୍ୱାନ ଦେଇଛନ୍ତି ।