ସମ୍ବଲପୁର (ବଡ଼ ଖବର ବ୍ୟୁରୋ): ଚଳନ୍ତା ଯାତ୍ରୀବାହୀ ବସ ଉପରେ ଖସିପଡ଼ିଲା ଏକ ବଡ଼ଗଛ । ଅଳ୍ପକେ ବର୍ତ୍ତିଲେ ବସ କର୍ମଚାରୀ । ବସଟି ସିନ୍ଦୁରପଙ୍କଛକ ଆଡକୁ ଯାଉଥିବା ବେଳେ ଏହି ଅଘଟଣ ଘଟିଥିଲା। ବସରେ କୌଣସି ଯାତ୍ରୀ ନଥିଲେ। ବସରେ ୩ ଜଣ କର୍ମଚାରୀ ରହିଥିବା ବେଳେ ସେମାନଙ୍କ କିଛି କ୍ଷତି ହୋଇନାହିଁ । ଏନଏଚଏଆଇ ପକ୍ଷରୁ ଏକ ଠିକା ସଂସ୍ଥା ଗଛ କାଟୁଛି । ଗଛ ତଳେ ୧୧ କେଭି ତାର ଯାଇଛି। ଠିକା ସଂସ୍ଥା ପକ୍ଷରୁ କୌଣସି ନିରପତ୍ତା ବ୍ୟବସ୍ଥା କରାଯାଇନାହିଁ । ଘଟଣାକୁ ନେଇ ସେସ୍କୋ ଅଧିକାରୀ ସମସ୍ତ ଦୋଷ ଠିକା ସଂସ୍ଥା ଉପରେ ଲଦି ଦେଇଛନ୍ତି। ରାସ୍ତା ବଢାଇବା ପାଇଁ ଏହି ଗଛ କଟା ଯାଉଥିଲା। । ସେହି ସମୟରେ ଗଛଟି ଚଳନ୍ତା ବସ ଉପରେ ପଡ଼ି ଯାଇଥିଲା। ଗଛଟି ପଡ଼ିବା ସମୟରେ ବିଦ୍ୟୁତ କଟା ଯାଇନଥିଲା । ପାଖରେ ଥିବା ଜନବସତି ବିଦ୍ୟୁତ ତାର ଯୋଗୁଁ ହୋଇଥିବା ଅଗ୍ନିକାଣ୍ଡରେ କୌଣସି କ୍ଷତି ହୋଇନଥିଲା ।
