ହାଟଡ଼ିହି( ବଡ଼ ଖବର ବ୍ୟୁରୋ): କେନ୍ଦୁଝର ଜିଲ୍ଲା ହାଟଡ଼ିହି ବ୍ଲକ ଢେଙ୍କା ପଂଚାୟତ ଝଣଝଣା ,କାଳିଆମ୍ବ, ସଙ୍ଗମ ଗାଁକୁ ଦୀର୍ଘ ପାଞ୍ଚ ଛଅ ମାସ ଧରି ପାଣି ଦେଉନଥିଲା ଜଳଯୋଗାଣ ବିଭାଗ। ଏହି ଅଞ୍ଚଳଟି ପାହାଡିଆ ହୋଇଥିବାରୁ ସବୁବେଳେ ପାଣି ସମସ୍ୟା ଲାଗିରହିଥାଏ । ବିଭାଗ ପକ୍ଷରୁ ପାଣିଟାଙ୍କିକୁ ଯୋଗାଉଥିବା ମଟରର ବକେୟା ଇଲେକ୍ଟ୍ରି ବିଲ ବାକି ଥିବା କହି କରେଣ୍ଟ କାଟିଦିଆଯାଉଥିଲା। ଏହାର ପରିଣତି ଗରିବ ଲୋକଙ୍କୁ ଭୋଗିବାକୁ ପଡୁଥିଲା। ତାଙ୍କ ସମସ୍ୟା କେହି ବୁଝି ନଥିଲେ । ସେମାନେ ଆଜି ସକାଳୁ ହଦଗଡ଼- ଛେନାପଦି ମୁଖ୍ୟ ରାସ୍ତା ଅବରୋଧ କରିଥିଲେ। ଘଟଣାସ୍ଥଳରେ ସୋସୋ ପୁଲିସ ପଂହଁଚି ସମସ୍ୟା ବୁଝିଥିଲା। ପ୍ରାୟ ଦୁଇଘଣ୍ଟା ଧରି ରାସ୍ତା ବନ୍ଦ ରହିବା ପରେ ସରପଞ୍ଚ ଆସି କରେଣ୍ଟ ସଂଯୋଗ କରିଥିଲେ । ରାସ୍ତା ଅବରୋଧ ହଟି ଥିଲା ଓ ପାଣି ଦିଆ ଯିବ ବୋଲି ପ୍ରତିଶୁତି ମିଳିଥିଲା। ପୁରୁଣା ବକେୟା ଅର୍ଥ ସମ୍ପୂର୍ଣ୍ଣ ଦିଆଯାଇନଥିବାରୁ କେତେଦିନ ଚାଲିବ ବୋଲି ସାଧାରଣରେ ପ୍ରଶ୍ନ ଉଠିଛି ।
