ପ୍ରଶିକ୍ଷଣ ଶିବିର

ଦାଶରଥୀପୁର (ବଡ଼ ଖବର ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନ କ୍ରମେ ବିଜେପି ସବୁ ରାଜ୍ୟରେ ତୃଳମୂଳ ସ୍ତରରେ କିପରି ଭାବରେ ସଙ୍ଗଠନକୁ ମଜବୁତ କରାଯିବ ସେଥିଲାଗି ସବୁ ମଣ୍ଡଳରେ ପ୍ରଶିକ୍ଷଣ ଶିବିର କାର୍ଯ୍ୟକ୍ରମ ଆରମ୍ଭ କରାଯାଇଛି । ଯାଜପୁର ଜିଲ୍ଲା ବିଜେପି ସଭାପତି ଗୌତମ ରାୟଙ୍କ ନେତୃତ୍ୱରେ ସବୁ ନିର୍ବାଚନ ମଣ୍ଡଳୀରେ ପ୍ରଶିକ୍ଷଣ ଶିବିର କାର୍ଯ୍ୟକ୍ରମ ଆରମ୍ଭ ହୋଇଛି । ଦଶରଥପୁର ବ୍ଲକର ୬ନମ୍ବର ଜୋନରେ ଗୌତମଙ୍କ ବାସଭାବନରେ ଏହି ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଛି । ସଭାପତି ବିନୋଦ ବିହାରୀ ଜେନାଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା ।

ସଭାରେ ମୁଖ୍ୟ ଅତିଥି ଭାବେ ଶ୍ରୀଯୁକ୍ତ ସାରଦା ପ୍ରସାଦ ଶତପଥି (ଜିଲ୍ଲା ପ୍ରଭାରୀ ), ମୁଖ୍ୟ ବକ୍ତା ଭାବେ ଶ୍ରୀଯୁକ୍ତ ବିଷ୍ଣୁଚରଣ ସେଠୀ (ବିଧାୟକ ଧାମନଗର), ଜିଲ୍ଲା ସଭାପତି ଗୌତମ ରାୟ, ରମେଶ ଚନ୍ଦ୍ର ସାମଲ, ବବିତା ମଲ୍ଲିକ (ଜିଲ୍ଲା ମହିଳା ମୋର୍ଚ୍ଚା ସଭାପତି ), ସୁବାସ ମହାନ୍ତି ( ବରିଷ୍ଠ ନେତା )ଯୋଗ ଦେଇଥିଲେ । ଏହି ସଭାରେ ଜିଲ୍ଲା ପ୍ରଭାରୀ ସାରଦା ପ୍ରସାଦ ଶତପଥି ଏବଂ ବିଧାୟକ ବିଷ୍ଣୁ ସେଠୀ କିପରି ଭାବରେ ବୁଥ୍ ସ୍ତରରେ କର୍ମୀମାନଙ୍କୁ ଏକାଠି କରି ସଙ୍ଘଠନକୁ ଆହୁରି ମଜବୁତ କରାଯାଇ ପାରିବ ଏ ବିଷୟରେ ଆଲୋଚନା କରାଯାଇଥିଲା । ଏହି ସଭାରେ ପ୍ରସେଶ ସୁତାର, ଶସଧର ବେହୁରିୟା, ସତ୍ୟଜିତ ସାମଲ, ପ୍ରିୟବ୍ରତ ମହାନ୍ତି, ପ୍ରମୋଦ ପଣ୍ଡା, ପ୍ରତାପ ନାୟକ ଯୋଗ ଦେଇଥିଲେ ।