ପୁରୀକୁ ମିଳିଲା ବ୍ଲୁଫ୍ଲାଗ୍ ମାନ୍ୟତା

ପୁରୀ(ବଡ଼ ଖବର ବ୍ୟୁରୋ): ଆନୁଷ୍ଠାନିକ ଭାବେ ପୁରୀକୁ ମିଳିଲା ବ୍ଲୁଫ୍ଲାଗ୍ ମାନ୍ୟତା । ଆନ୍ତର୍ଜାତୀୟ ଜୁରୀ ପୁରୀ ବେଳାଭୂମିକୁ ବ୍ଲୁଫ୍ଲାଗ୍ ଭାବେ ଚୟନ କରିଛନ୍ତି । ଚୟନ କରିବା ପରେ ଡେନମାର୍କର ଫି ସଂସ୍ଥା ବ୍ଲୁଫ୍ଲାଗ୍ ବିଚ୍ ପ୍ରମାଣପତ୍ର ପ୍ରଦାନ କରିଛନ୍ତି । ଏଥିସହ ଏହା ବିଶ୍ୱର ଅନ୍ୟ ବିଚ୍ ତୁଳନାରେ ତୃତୀୟ ସ୍ଥାନ ଅଧିକାର କରିଛି ।

କେନ୍ଦ୍ର ପର୍ଯ୍ୟାବରଣ, ଜଙ୍ଗଲ ଓ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟର ସଂଯୁକ୍ତ ସଚିବ ଚିଠି ଲେଖି ଓଡିଶା ସରକାରଙ୍କୁ ଏହି ସୂଚନା ଦେଇଛନ୍ତି । ମନ୍ତ୍ରୀ ପ୍ରକାଶ ଜାଭେଦକର ଆନୁଷ୍ଠାନିକ ଭାବେ ପତାକା ଉତ୍ତୋଳନ କରିବେ । ଏନେଇ ପୁରୀ ବିଚରେ ସ୍ୱତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଛି । ପୁରୀ ସମେତ ଭାରତର ୮ଟି ବ୍ଲୁଫ୍ଲାଗ୍ ବିଚରେ ଡିଜିଟାଲ ବ୍ଲୁଫ୍ଲାଗ୍ ପତାକା ଉତ୍ତୋଳନ କରାଯିବ ।