ନାଇଟ୍ କର୍ଫ୍ୟୁ ବେଳେ ବାହାରେ ବୁଲିଲେ ଅମାନିଆ

ରାଉରକେଲା (ବଡ଼ ଖବର ବ୍ୟୁରୋ): ଗତକାଲି ରାତି ୧୦ରୁ ଆଜି ସକାଳ ୬ଟା ପର୍ଯ୍ୟନ୍ତ ଲାଗିଥିଲା ନାଇଟ କର୍ଫ୍ୟୁ । ଜିରୋନାଇଟ ପାଳନ ଉପରେ ପ୍ରତିବନ୍ଧ କରି ବିଭିନ୍ନ ହୋଟେଲ ଓ ଅନୁଷ୍ଠାନଗୁଡିକ ବନ୍ଦ କରାଯାଇଥିଲା । କରୋନା ମହାମାରୀ ଯୋଗୁଁ ଏ ବର୍ଷ ଫିକା ପଡିଲା ଜିରୋନାଇଟ ପାଳନ । ଜିରୋନାଇଟକୁ ପାଳନ ନକରିବା ଆଦେଶ ଦେଇ ରାତି ୧୦ରୁ ସକାଳ ୬ଟା ପର୍ୟ୍ୟନ୍ତ ଲଗାଯାଇଥିଲା ନାଇଟ କର୍ଫ୍ୟୁ । ନାଇଟ କର୍ଫ୍ୟୁ ଚାଲିଥିଲା ସମୟରେ ରାଉରକେଲା ସହରରେ କିଛି ଅମାନିଆ ଲୋକେ ଘରୁ ବାହାରି ବାହାରେ ବୁଲୁଥିବାର ଦେଖିବାକୁ ମିଳିଥିଲା । କେହି କିଭଳି ଲୁଚିଛପି ନବବର୍ଷ ସାମୁହିକ ଭାବେ ନମାନନ୍ତି ତେଣୁ ସବୁ ଛକ ଓ ସହରର ବିଭିନ୍ନ ସ୍ଥାନରେ ପୋଲିସ ପକ୍ଷରୁ କଡାକଡ଼ି ଚେକିଂ ଚାଲିଥିଲା । ଚେକିଂ ସମୟରେ ବହୁ ଅମାନିଆ ଲୋକଙ୍କୁ ପୋଲିସ ଅଟକାଇଥିଲା ଏବଂ ତାଙ୍କୁ ତାଗିଦ କରିଥିଲା ।