କରୋନା ସମୟରେ ସମସ୍ତେ ପ୍ରାୟ ରୋଷେଇ କରିବାରେ ସିଦ୍ଧହସ୍ତ ହୋଇଗଲେଣି । ଏବେ ଲକଡାଉନ, ସଟଡାଉନ ଆଉ ନାହିଁ ସତ । କିନ୍ତୁ କର୍ମମୟ ଜୀବନରୁ ଛୁଟି ମିଳିଲେ ନୂଆ ରୋଷେଇ ଆଇଟମ ତିଆରି କରିବା ପାଇଁ ସମସ୍ତେ ଚେଷ୍ଟା କରୁଛନ୍ତି। ତେଣୁ ଆମେ ଆଜି ଆପଣଙ୍କୁ ଗୋଟିଏ ନୂଆ ‘ଡିସ୍’ ବିଷୟରେ କହିବୁ । ଯାହାକୁ ଆପଣମାନେ ଘରେ ଖୁବ ସହଜରେ ତିଆରି କରିପାରିବେ । ଏହି ଡିସ୍ ର ନାମ “କ୍ରିମି ଚିକେନ୍ ” । ତେବେ ଚାଲନ୍ତୁ ଜାଣିନେବା ଏହାର ପ୍ରସ୍ତୁତି ପ୍ରଣାଳୀ..
ଆବଶ୍ୟକ ସାମଗ୍ରୀ: ଚିକେନ, ବସାଦହି, ଲଙ୍କାଗୁଣ୍ଡ, ରିଫାଇନ୍ ତେଲ, ପିଆଜ ବଟା, ଅଦା ରସୁଣ ବଟା, ଟମାଟୋ ପ୍ୟୁରି, ଧନିଆ ପାଉଡର, ଜୀରା ପାଉଡ଼ର, ଗରମ ମସଲା, ଲୁଣ, କ୍ଷୀର, କ୍ରିମ୍, ଚାଟ ମସଲା ଓ ଗୋଟା କଞ୍ଚାଲଙ୍କା
ପ୍ରସ୍ତୁତି ପ୍ରଣାଳୀ: ପ୍ରଥମେ ଚିକେନରେ ବସାଦହି, ଲଙ୍କାଗୁଣ୍ଡ ଓ ଲୁଣ ପକାଇ ଭଲ ଭାବେ ମ୍ୟାରିନେଟ କରନ୍ତୁ। କରେଇରେ ତେଲ ଗରମ କରି ମ୍ୟାରିନେଟ ଚିକେନ୍କୁ ଭାଜି ରଖନ୍ତୁ। କରେଇରେ ତେଲ ଗରମ କରି ପିଆଜ ବଟା, ଅଦା ରସୁଣ ବଟା ପକାଇ ଭଲ ଭାବେ କଷନ୍ତୁ। ମସଲା ଅଳ୍ପ କଷି ହେବା ପରେ ଟମାଟୋ ପ୍ୟୁରି, ଧନିଆ ପାଉଡର, ଜୀରା ପାଉଡ଼ର, ଗରମ ମସଲା, ଲୁଣ ଓ କ୍ଷୀର ପକାଇ ଭଲ ଭାବେ ଗୋଳାନ୍ତୁ। ମସଲା ଭଲ ଭାବେ କଷି ହେବା ପରେ ପାଣି ଓ ଭାଜି ରଖିଥିବା ଚିକେନକୁ ପକାଇ ଗୋଳାଇ ଦିଅନ୍ତୁ। ଏହାପରେ ଚିକେନରେ କ୍ରିମ୍, ଚାଟ ମସାଲା ଓ ଗୋଟା କଞ୍ଚାଲଙ୍କା ପକାଇ ଗୋଳାଇ ଦିଅନ୍ତୁ ଓ ଏହାକୁ ୫ ମିନିଟ୍ ଘୋଡ଼ାଇ ରଖନ୍ତୁ।ଏବେ ପ୍ରସ୍ତୁତ ହୋଇଯିବ ଆପଣଙ୍କର ଗରମାଗରମ କ୍ରିମି ଚିକେନ୍ ।
