ପହଞ୍ଚିଲା ସଞ୍ଜିବନୀ
ଭୁବନେଶ୍ୱର (ବଡ଼ ଖବର ବ୍ୟୁରୋ): ଆଜି ଅପରାହ୍ନ ୩ଟା ୪୦ମିନିଟରେ ଭୁବନେଶ୍ୱର ବିମାନ ବନ୍ଦରରେ ଆସି ପହଞ୍ଚିଲା କରୋନା ଟିକା କୋଭିସିଲ୍ଡ । ପୁଣେର ସେରମ ଇନଷ୍ଟିଚ୍ୟୁଟରୁ ଏକ ସ୍ୱତନ୍ତ୍ର ସ୍ପାଇସ ଜେଟ୍ ବିମାନ ଯୋଗେ ଭୁବନେଶ୍ୱର ପହଞ୍ଚିଛି ଏହି ଟିକା । ୩୪ ପ୍ୟାକେଟ ର ୪ ଲକ୍ଷ ୮ ହଜାର ଟିକା ଆସି ପହଞ୍ଚିଛି । ଗୋଟିଏ ଶିଶି ରୁ ୧୦ ଡ଼ୋଜ ଦିଆ ଯାଇପାରିବ । କଡା ସୁରକ୍ଷାରେ ରାଜ୍ୟ ଔଷଧ ନିଗମକୁ ନିଆଯାଉଛି ଟିକା । ଜାନୁଆରୀ ୧୬ରେ ରାଜ୍ୟରେ ୧୬୦ଟି ସ୍ଥାନରେ ଦିଆଯିବ ଏହି ଟିକା । ପ୍ରତି କେନ୍ଦ୍ରରେ ୧୦୦ଜଣ ଲେଖାଏ ସ୍ୱାସ୍ଥ୍ୟକର୍ମୀଙ୍କୁ ଟିକା ଦିଆଯବ ।