ସହଜ ହେଲା ଜଗା ଦର୍ଶନ

ପୁରୀ (ବଡ଼ ଖବର ବ୍ୟୁରୋ): ଆଜି ଠାରୁ ଶ୍ରୀମନ୍ଦିରରେ ସହଜ ଦର୍ଶନ । ଶ୍ରୀମନ୍ଦିରରେ ଭକ୍ତଙ୍କ ଅସୁବିଧାକୁ ଦେଖି ବ୍ୟାରିକେଡ ହଟାଇଛି ପ୍ରଶାସନ । କାଲି ସାଧାରଣ ଦର୍ଶନ ବନ୍ଦ ରହିଥିବା ବେଳେ ଆଜି ଜନସାଧାରଣଙ୍କ ସହଜ ଦର୍ଶନ ପାଇଁ ବ୍ୟାରିକେଡକୁ ହଟାଇ ଦିଆଯାଇଛି । ଆଉ ଶ୍ରଦ୍ଧାଳୁଙ୍କୁ ଲମ୍ବା ଲାଇନରେ ଛିଡା ହେବାକୁ ପଡିବ ନାହିଁ । ଜଗନ୍ନାଥବଲ୍ଲଭ ଠାରୁ ମରିଚିକୋଟ ପର୍ଯ୍ୟନ୍ତ ବ୍ୟାରିକେଡ ହଟାଯାଇଥିବା ପୁରୀ ଏସପି କନୱର ବିଶାଲ ସିଂହ ସୂଚନା ଦେଇଛନ୍ତି । ଦର୍ଶନ ସମୟରେ ବ୍ୟାରିକେଡ ବ୍ୟବସ୍ଥା ସମସ୍ୟା ସୃଷ୍ଟି କରୁଥିବା ନଜରକୁ ଆସିଥିଲା । ତେବେ ରବିବାର ମନ୍ଦିରକୁ ବନ୍ଦ ରଖାଯାଇ ସାନିଟାଇଜ କରାଯିବା ସହ ବ୍ୟାରିକେଡକୁ ହଟାଇଦିଆଯାଇଛି ।