ଆଜିଠୁ ସେବାୟତଙ୍କ ହେବ କରୋନା ଟେଷ୍ଟ

ପୁରୀ (ବଡ଼ ଖବର ବ୍ୟୁରୋ): ଆଜିଠୁ ଶ୍ରୀମନ୍ଦିରରେ ସେବାୟତଙ୍କ ହେବ କରୋନା ଟେଷ୍ଟ । ଆରଟିପିସି ପଦ୍ଧତିରେ କୋଭିଡ ଟେଷ୍ଟ କରାଯିବ । ସକାଳ ୧୦ରୁ ଆରମ୍ଭ ହେବ ଟେଷ୍ଟିଂ । ପ୍ରତିଦିନ ୫୦ଜଣ ସେବାୟତଙ୍କ ଟେଷ୍ଟ କରାଯିବ । ଏନେଇ ଶ୍ରୀମନ୍ଦିର ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି । ଗ୍ରାଣ୍ଡରୋଡର ଉତ୍କଳ ହିନ୍ଦି ବିଦ୍ୟା ପିଠରେ ଟେଷ୍ଟ କରାଯିବ । ଫେବୁଆରୀ ୨୭ ତାରିଖ ପର୍ଯ୍ୟନ୍ତ ଏହି ଟେଷ୍ଟିଂ ପ୍ରକ୍ରିୟା ଚାଲୁ ରହିବ । ୩ ହଜାର ସେବାୟତଙ୍କ କୋଭିଡ ଟେଷ୍ଟ କରାଯିବ । ଏନେଇ ପ୍ରଶାସନ ପକ୍ଷରୁ ଜାରି କରାଯାଇଥିବା ଚିଠିରେ ଉଲ୍ଲେଖ କରାଯାଇଛି । ସେପଟେ ସର୍ବସାଧାରଣଙ୍କ ପାଇଁ ଜାନୁଆରୀ ୨୧ରୁ ବିନା କୋଭିଡ ରିପୋର୍ଟରେ ଦର୍ଶନର ବ୍ୟବସ୍ଥା କରାଯାଇଛି । ତେବେ ରବିବାର ମନ୍ଦିରକୁ ବନ୍ଦ ରଖାଯାଇ ସାନିଟାଇଜ କରାଯାଇଥିବା ବେଳେ ଆଜି ଠାରୁ ଆରମ୍ଭ ହେବ ସେବାୟତମାନଙ୍କ କୋଭିଡ ଟେଷ୍ଟ ।