ମାଆର ଆକଟ ନେଲା ପୁଅର ଜୀବନ

ଗଞ୍ଜାମ (ବଡ଼ ଖବର ବ୍ୟୁରୋ): ମାଆର ଆକଟ ନେଲା ପୁଅର ଜୀବନ । ଖେଳିବାକୁ ମାଆ ମନା କରିବାରୁ ପୁଅ ବେକରେ ଗାମୁଛା ବାନ୍ଧି ଆତ୍ମହତ୍ୟା କରିବା ଘଟଣା ଧର୍ମଗଡରେ ଶୋକର ଛାୟା ଖେଳାଇ ଦେଇଛି । ଗଞ୍ଜାମ ଜିଲ୍ଲା ଭବାନୀପୁର ଗାଁର ସ୍ମୃତିରେଖା ପାତ୍ର ୧୧ବର୍ଷର ପୁଅ ଓଁସାଇ ସହ ଡିସେମ୍ବର ୧୦ରେ ଧର୍ମଗଡରେ ଥିବା ତାଙ୍କ ସମ୍ପର୍କିୟଙ୍କ ଘରକୁ ଆସିଥିଲେ । ରବିବାର ଅପରାହ୍ନରେ ଓଁ ସାଇ ଖେଳୁଥିବା ବେଳେ ମାଆ ସ୍ମୃତିରେଖା ତାଗିଦ କରିଥିଲେ ।

ରାଗିଯିବା ସହିତ ମାନସିକ ଭାରସାମ୍ୟ ହରାଇ ଓଁ ସାଇ ଘରକୁ ଫେରି ଗାଧୁଆ ଘରେ ପଶି ଭିତର ପଟୁ କବାଟ ବନ୍ଦ କରିଦେଇଥିଲେ । ପରେ ଗଳାରେ ଗାମୁଛା ଲଗେଇ ଆତ୍ମହତ୍ୟା କରିଥିଲେ । ପରିବାର ଲୋକେ କବାଟ ଭାଙ୍ଗି ତାଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ ମାତ୍ର ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।