ଓଲଟିଲା ଟ୍ୟାଙ୍କର, ଚାଳକ ମୃତ

ଯୁଯୁମୁରା(ବଡ଼ ଖବର ବ୍ୟୁରୋ): ସମ୍ବଲପୁର ଜିଲ୍ଲା ଯୁଯୁମୁରା ଥାନା ଡଙ୍ଗାଘାଟ ବ୍ରିଜ ନିକଟରେ ଗତକାଲି ରାତିରେ ଭାରସାମ୍ୟ ହରାଇ ଏକ ଟ୍ୟାଙ୍କର ରାସ୍ତା କଡ଼ରେ ଓଲଟି ପଡିଥିଲା। କ୍ୟାବିନ ଭିତରେ ଚାଳକଙ୍କ ମୃତ୍ୟୁ ଘଟିଥିଲା। ମୃତକ ହେଲେ ବିହାର ନାନୁଆଟୋଲ ଗ୍ରାମର ସରୋଜ ସିଂ(୩୦)। ବୁଧବାର ସକାଳେ ଯୁଯୁମୁରା ପୋଲିସ ଓ ଅଗ୍ନିଶମ ବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରିଥିଲେ। ପୋଲିସ ଶବ ଜବତ କରି ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରିଛି। ସୁଚନା ଅନୁଯାୟୀ ନାଗାଲାଣ୍ଡର ଏକ ପ୍ରାଇଭେଟ୍ ଲିମିଟେଡ କମ୍ପାନୀର ପିଚୁ ବୋଝେଇ ଟ୍ୟାଙ୍କର ଅନୁଗୁଳ ଜୟନ୍ତପୁର ପିଚୁ ପ୍ଲାଣ୍ଟ ଅଭିମୁଖେ ଯାଉଥିବାବେଳେ ଦୁର୍ଘଟଣା ଘଟିଥିଲା।