ମନ୍ତ୍ରୀ ପଦ୍ମିନୀ ଦିଆନଙ୍କ ଗାଡି ଦୁର୍ଘଟଣାଗ୍ରସ୍ତ

କୋରାପୁଟ (ବଡ଼ ଖବର ବ୍ୟୁରୋ): ବୟନ ଶିଳ୍ପ ମନ୍ତ୍ରୀ ପଦ୍ମିନୀ ଦିଆନଙ୍କ ଗାଡି ଦୁର୍ଘଟଣାଗ୍ରସ୍ତ ହୋଇଛି । ମନ୍ତ୍ରୀଙ୍କ ଗାଡି ସହ ଏକ ବାଇକ୍ ମୁହାଁମୁହିଁ ହୋଇଛି । ବୋରିଗୁମ୍ମା ବ୍ଲକ ପୂଜାରୀପୁଟ ଗାଁ ନିକଟରେ ଘଟିଛି ଏହି ଦୁର୍ଘଟଣା । ଏହି ଦୁର୍ଘଟଣାରେ ମନ୍ତ୍ରୀଙ୍କ ଡାଇଭର ସାମାନ୍ୟ ଆହତ ହୋଇଛନ୍ତି । କିନ୍ତୁ ବାଇକ୍ ଚାଳକଙ୍କ ବାମ ଗୋଡ଼ରେ ମାଡ ହୋଇଛି । ମନ୍ତ୍ରୀଙ୍କ ଗାଡିର ଡାହଣପଟ ସମ୍ମୁଖ ସାମାନ୍ୟ ଭାଙ୍ଗି ଯାଇଛି । ତେବେ ମନ୍ତ୍ରୀ ସୁରକ୍ଷିତ ଅଛନ୍ତି ।