ଓଡ଼ିଶାରେ ଏନଏସଜି ଟିମ

ଭୁବନେଶ୍ବର(ବଡ଼ ଖବର ବ୍ୟୁରୋ): ଓଡ଼ିଶାରେ ପହଞ୍ଚିଲା ୫ଜଣିଆ ଏନଏସଜି ଟିମ । ଆସନ୍ତା ୧୬ ତାରିଖରେ ଶ୍ରୀଲିଙ୍ଗରାଜ ମନ୍ଦିରରେ ଓ ୧୮ତାରିଖରେ ଶ୍ରୀମନ୍ଦିରରେ ମକଡ୍ରିଲ କରିବ କେନ୍ଦ୍ରୀୟ ସୁରକ୍ଷା ସଂସ୍ଥା । ପୁରୀ ଶ୍ରୀମନ୍ଦିର ଓ ଲିଙ୍ଗରାଜ ମନ୍ଦିର ସୁରକ୍ଷାକୁ ଦୃଷ୍ଟିରେ ରଖି ଏଭଳି ପଦକ୍ଷପ ନିଆଯାଇଛି । ତେବେ ଯାଞ୍ଚ ବ୍ୟବସ୍ଥା କଡାକଡି ହେବା ନିହାତି ଆବଶ୍ୟକ । କାରଣ ପୁରୀ ଶ୍ରୀମନ୍ଦିର ଏବଂ ଲିଙ୍ଗରାଜ ମନ୍ଦିର ଆମ ଓଡିଶାର ଗୌରବ ହୋଇଥିବା ବେଳେ ଏଠାକୁ ଦେଶ ବିଦେଶରୁ ଅନେକ ଶ୍ରଦ୍ଧାଳୁ ଶ୍ରୀ ଜଗନ୍ନାଥଙ୍କୁ ଦେଖିବାକୁ ଆସିଥାନ୍ତି ।

ଏହି ଟିମ ପୁରୀ ଶ୍ରୀମନ୍ଦିର ଓ ଲିଙ୍ଗରାଜ ମନ୍ଦିରର ସୁରକ୍ଷା ବ୍ୟବସ୍ଥାର ଯାଞ୍ଚ କରିବା ସହ ମକଡ୍ରିଲ କରିବ । ଏଥିରେ ୨ଜଣ ଅଫିସର ଓ ୩ ଜଣ କମାଣ୍ଡୋ ରହିଛନ୍ତି । ପୂର୍ବରୁ ଏକାଧିକ ଥର ଶ୍ରୀମନ୍ଦିର ଓ ଲିଙ୍ଗରାଜ ମନ୍ଦିରରେ ଏନଏସଜି ପକ୍ଷରୁ ସୁରକ୍ଷା ବ୍ୟବସ୍ଥା ଯାଞ୍ଚ ସହ ମକଡ୍ରିଲ କରାଯାଇଛି । କିନ୍ତୁ ଦୁଇ ମନ୍ଦିରର ଚତୁଃପାଶ୍ୱର୍ରେ ଉନ୍ନତୀକରଣ ପରେ ମକଡ୍ରିଲ କରାଯାଇନାହିଁ । ସେଥିପାଇଁ ଏଭଳି ମକଡ୍ରିଲର ଆୟୋଜନ କରାଯାଇଛି ।