୪ଟା ଯାଏଁ ଗୃହ ମୁଲତବୀ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଗତକାଲି ପରି ଆଜି ବି ବିଧାନସଭା ଅଧିବେଶନରେ ଘଟିଥିଲା ହଟ୍ଟଗୋଳ । ଅପରାହ୍ନ ୪ଟା ଯାଏଁ ଗୃହକୁ କରାଯାଇଛି ମୁଲତବୀ । ଗୃହରେ ଆଜି ବିରୋଧି ଦଳ ନେତା ଉଠାଇଥିଲେ ମଣ୍ଡି ପ୍ରସଙ୍ଗକୁ ନେଇ । ଆରମ୍ଭରୁ ବାଚସ୍ପତିଙ୍କ ପୋଡିୟମ ପାଖକୁ ଆସି ହୋହଲ୍ଲା କରିଥିଲେ ବିରୋଧି । ବିଧାୟକ ମାନଙ୍କୁ ନିଜ ସିଟକୁ ଯିବା ପାଇଁ ବାରମ୍ବାର ଅନୁରୋଧ କରିଥିଲେ ବାଚସ୍ପତି ।

ମାତ୍ର ସ୍ଥିତି ଅସମ୍ଭାଳ ହେବାରୁ ଗୃହକୁ ପ୍ରଥମେ ୧୧.୩୦ ପର୍ଯ୍ୟନ୍ତ ମୁଲତବି କରିଥିଲେ ବାଚସ୍ପତି ସୂର୍ଯ୍ୟନାରାୟଣ ପାତ୍ର । ପରେ ଗୃହ କାର୍ଯ୍ୟ ଆରମ୍ଭ ହୋଇଥିଲେ ମଧ୍ୟ ସୁବାସ ପାଣିଗ୍ରାହୀଙ୍କୁ କ୍ଷମା ପ୍ରସଙ୍ଗକୁ ନେଇ ପୁଣି ତେଜିଥିଲା ହଟ୍ଟଗୋଳ । ସର୍ବଦଳୀୟ ବୈଠକ ଲାଗି ବିରୋଧି ଅଡି ବସିଥିଲେ । ଫଳରେ ବାଚସ୍ପତି ଅପରାହ୍ନ ୪ଟା ପର୍ଯ୍ୟନ୍ତ ଗୃହକୁ କରିଛନ୍ତି ମୁଲତବୀ ।